InfoHub Logo

Aıdos pen Qultemir

(Sahnaǵa ul bala shyǵyp,​ únsiz pysyldap jylap otyrady. Sahnanyń syrtynan​ "Ertemir" múltfılminiń áýeni estiledi.)

- Eh, shirkin! Meniń de uıaly telefonym bolsa ǵoı! Men sekildi jaǵdaıy tómen otbasynyń balalary, qalaı baqytty bolyp ózgerýge bolatynyn bilýshi edim! Shirkin...! Meniń de anam basqa analar sekildi júrip ketse eken! Ákem bizge qaıta oralsa eken! Mende eń keremet kıimder men oqý quraldary bolsa! Óz-ózimnen sabaqty jaqsy oqyp ketsem ǵoı?! Synyptastarym meni mazaqtamasa ǵoı eshqashan! Barlyǵy menimen dos bolsa eken..! Ia, Alla! Maǵan da baqytty bolýǵa múmkindik bershi! Bireýdi jibershi...! Ol meniń dosym ári ǵajaıyp keńesshim bolsa eken!
​ ​(Dál osy sátte sahnaǵa Robot bolyp kıingen adam shyǵady)
​​- Sálem, balaqaı!
​- S- s-sálem! Sen ki-kimsiń?
​- Men Qultemirmin! Saǵan kómektesýge keldim!
​- Sen maǵan qalaı kómektesesiń?
​- Aldymen maǵan qıyndyqtaryńdy aıt?
​​- Mmm, áýeli​ anam jazylyp ketse eken!
​- Jaqsy! Anańa kómek beremiz!
​- Ekinshi ádemi kıimderim bolsa eken?!
​- Osy qalada óziń sekildi balalar tegin kıinetin dúken bar. Soǵan ertip aparaıyn!
​- Alaqaı! Sabaqty jaqsy oqyǵym keledi?
​- Kúnige ekeýimiz birge sabaq oqıtyn bolamyz!
​- Keremet! Biraq... meni mektepte eshkim​ jaqsy kórmeıdi! Maǵan mektep sol úshin unamaıdy...
​- Muńaıma! Aınaǵa qarashy..? Shash-tyrnaǵyń ósip ketken,​ kıimderiń las, ústiń de kir! Mundaı​ balamen kim oınaıdy? Qane, jýynyp, tazalanyp al! Shashyńdy aldyr! Sosyn seni barlyǵy qurmetteıtin bolady!
​- Jaraıdy...!
​- Onda kettik monshaǵa?!
​( Ynjyq pen Robot ketedi.​ Basqa eki bala sahnaǵa shyǵady.)
​- Samat,​ sen baıqadyń ba? Yn.. oı joq, Aıdos qalaı ózgerip ketkenin?!
​- Ia! Sońǵy kezderi eń úzdik,​ eń uqypty,​ eń jaqsy bala bolyp júr! Barlyǵy sony syılap ketti...! Tipti jaqsy tóbelesýdi de úırenip,​ ózin urǵandardyń sazaıyn berdi emes pe?!
​- Oǵan kim kómektesti- dep oılaısyń?
​- Ol óziniń keremet dosy baryn aıtyp júr! Esimi​ - Qultemir eken!
​- Ne..? Ras pa? Shynymen Qultemir me? Qaıdan alypty?
​- Bilmeımin.
​- Júrshi baryp kóreıik..?!
​(Ekeýi ketedi.​ Sahnaǵa Ynjyq pen Qultemir shyǵyp,​ sabaq oqyp otyrady. Osy kezde sahnaǵa qaıta dostary shyǵady.)
​-​ Aıdos..?! Mynaý kim? Shyn robot.. oı Qultemir me?
​- Sálem dostar! Ia, bul meniń eń jaqsy dosym! Ol maǵan únemi kómektesedi!
​- Sóıleı me?
​- Júre ala ma?
​- Árıne! Onyń qolynan barlyǵy keledi.​ Qane, dosym! Maǵan qalaı sabaq úıretetinińdi kórsetshi...
Qultemir:
​- Sálem balaqaılar! Sender Aıdosty bólip,​ onymen dos bolmaı qoıǵan soń, men onyń dosy boldym! Men qazir kóbeıtý kestesin suraımyn? Kim jyldam aıta alady? Men shatastyryp suraımyn..
​- Marat,​ sen aıtshy..
​-​ Jaqsy!
​- 7×8=?
​- 56!
​- 8×9=?
​- 72
​- 6×8=?
​- 46
​- 48!
ultemir:
​- Jaraısyń Marat! Biraq sońǵy jaýabyń qate boldy! Sender qandaı pánnen qınalyp júrsińder?
​- Aǵylshyn,​ orys tili,​ matematıka!
​- Onda kúnige bizben birge sabaq oqýǵa qalaı qaraısyńdar?
​-​ Álbette,​ qýana-qýana oqımyz!
​- Jaqsy! Tek meniń bir shartym bar?
​- Kúnige on jaqsylyq jasasańdar ǵana men sendermen dos bolamyn?!
​- Qalaı?
​- Mysaly,​ dostaryńa kúlimdep amandasasyńdar! Taqtany kezekshi bolmasańdar da súrtesińder! Qyzdardy syılaısyńdar! Ustazdy tyńdaısyńdar! Qaǵaz laqtyrmaısyńdar! Eshkimge jaman sóz aıtpaısyńdar! Mazaqtamaısyńdar! Artyq bálish alsańdar, Aıdospen bólisesińder! Sabaqty óte jaqsy oqısyńdar! Meniń aıtqandarymdy múltiksiz oryndaısyńdar! Qalaı? Ýáde beresińder me?
​- Árıne! Mindetti túrde oryndaýǵa tyrysamyz...! Tek sen​ ketip qalmasań boldy?!
​- Eger meniń dostarym meni tyńdasa,​ men eshqaıda da ketpeımin! Al, qazir aldymyzǵa maqsat qoıaıyq! Samat, sen óskende elińe qandaı paıda keltiresiń?
​-​ Mm bilmeımin..
​- Saǵan qandaı mamandyq unaıdy?
​-​ Maǵan ınjener-tehnık bolǵan unaıdy!
​- Onda men saǵan robototehnıka sabaǵyn úıretemin! Bolashaqta sen men sekildi kóptegen robottar jasap, Aıdos sekildi dosy joq balalarǵa tegin taratatyn bolasyń!
​- Keremet! Men aspaz-robot, muǵalim-robot jáne úı jınap, tamaq isteıtin robot oılap tabatyn bolamyn!
​Qultemir:
​-​ Marat, sen she?
​-​ Men tis dárigeri bolǵym keledi.
​Meniń atam men ájemniń tisteri joq! Men ol kisilerge keremet qatty tis jasap beretin bolamyn!
​- Jaraısyń Marat! Armanyńa jet! Al men Aıdostyń armanyn bilemin...!
​- Qandaı arman? Aıdos, qupıa bolmasa aıtshy...?
​-​ Men Meıirim úıin salamyn! Ol óte úlken bolady! Ol jerde jalǵyzbasty qarıalar men jetim balalar,​ úısiz jas analar,​ kómekke muqtaj adamdar turatyn bolady! Men olardy yńǵaıly ári jeńil jumyspen qamtımyn! Aılyqtarynyń on paıyzyn úı shyǵynyna ustap, basqasyn túgel tóleımin! Ózim tabıǵı taza ónimder óndirip, halyqqa adal as satatyn bolamyn! Bastysy anashym jazylsa bolǵany...!
​Qultemir:
​-​ Al men senderge kómektesip, únemi qoldaý bildiretin bolamyn! El erteńi​ - bilimdi urpaqta! Endeshe júrińder barlyǵymyz birge sabaq oqıyq!
​(Balalar sahnadan ketedi)

05.01.2020

---