InfoHub Logo

1) Mektepke alǵash kelgen kezim esimde,
Ustazdardan qoryqtym eken nesine?
Jaqsy oqysań barlyq ustaz anańdaı -
Erkeletip bóleıdi eken meıirimge...!

Ókinishti, artta qalyp balalyq,
Orta býyn oqýshy bop baramyz.
Ustaz​ - Ana, Maıra apaıym,​ myń alǵys -
Umytpaıdy sizdi otyz balańyz!

2) Bastaýysh synyp,​ ne degen qyzyq,
Erkelep júrgen mektepte.
Tyńdamaı kúlip, bolsaq ta buzyq,
Ustazdar tálim úıretken.

Bastaýysh degen - bastapqy jyldar,
Mekteppen bizdi dos qylǵan.
Bastaýysh degen - tentekteý uldar,
Qoqysty teýip dop qylǵan.

3) Bastaýysh degen - aıaýly ustaz,
Úıretken bizge kóp bilim.
Bastaýysh synyp, ne degen tym az,
Sende ótti bes jyl ómirim.

4) Zymyrap ótti, bastaýysh synyp,
Balaýsa​ kúnder qaldy artta.
Kútýde alda, besinshi synyp,
Deıdi ǵoı qıyn ol jaqta..!

5) Myń alǵys aıtam, ustazym sizge,
Meırimin tókken anamdaı.
Sholjańdap jıi, erkelep sizge,
Baýyr basyppyz​ balańdaı!

6) Men tilek aıtam, ustazym sizge,
Ótse eken qyzyq ár kúniń!
Umytyp ketpeı,​ eske alǵyn bizdi,
Bolsa da san myń shákirtiń!

7) Jaqsy kóremin,​ ustazym sizdi,
Tileımin barlyq baqytty.
Ustaz bolǵan jan, eń aıaýly adam,
Saýap qoı árbir ýaqyty.

8) Umytpaı sizdi,​ eske alyp júrem,
Ustazym meniń edi​ - dep.
Dos bolý - ońaı, qoshtasý - qıyn,
Júregim ketti eljirep...!

9) Keshirgin bizdi,​ aıaýly ustaz,
Kóńlińe tısek keı ispen?!
Ósemiz áli, azamat bolyp,
Bólisermiz kóp jeńispen...!

10) Súıikti bizdiń Maıra apaıymyz,
Maqtan tutasyz bizdi áli...!
Shýmaqtarmenen alǵys bildirgen,
4 "q"-nyń ul men qyzdary...!

11)​ ​ ​ ​ "Ustazyńdy atańnan da áziz tut!" - deıdi qazaq.​ Búgin áziz tutar aıaýly ustazymyz - Baıdildaeva Maıra Baltabaıqyzyna sheksiz alǵysymyzdy bildirip, bastaýysh synyppen qoshtasyp otyrmyz! Qurmetti meniń ustazym! Biz sizge bergen bilimińiz ben sheksiz tálimińiz úshin - zor alǵys bildiremiz!
​ ​ ​ ​ Ádemi júzińizdi eshqashan muń shalmasyn!
​ ​ ​ ​ ​ ​ ​ *​ ​ ​ ​ ​ ​ *​ ​ ​ ​ ​ ​ ​ *
12)​ ​ "Muǵalim isi syrttaı qarapaıym bolǵanmen – tarıhtaǵy eń uly istiń biri"- degen K.D.Ýshınskıı. Aıaýly ustazym,​ bizder úshin sarp etken eńbegińiz aqtalyp, orta synypta tek joǵarydan kórineıik! Tártibimiz ben bilimimiz - ózgelerge úlgi bolsyn! Sizdiń aıtqan árbir aqylyńyz - bizdiń oıymyzda máńgi saqtalady!
​ ​ ​ ​ ​ ​ ​ ​ *​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ *
13)​ ​ "Maǵan jaqsy muǵalim bárinen de qymbat, óıtkeni muǵalim – mekteptiń júregi." - degen Ybyraı Altynsarın. Biz de úsh jyldan beri ustazymyzdan eń ozyq tálim-tárbıe alyp keldik! Al búgin bastaýyshpen qosa, súıikti ustazymyzben de qoshtasyp, muńaıyp turmyz! Biz sizdi umytpaımyz aıaýly ustazymyz Maıra apaı! Sizge shyǵarmashylyq tabys tileımiz!
​ ​ ​ ​ ​ ​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ *
14)​ ​ ​ ​ "Adamnyń adamshyldyǵy… jaqsy ustazdan bolady" - depti Abaı atamyz. Adam bop keldik ómirge, adam bop ótý - tilegimiz! Bilim​ - baǵyt, mektep - júregimiz! Ustaz - tálimger, tárbıeshimiz. Bizder - siz daıyndaǵan eldiń erteńimiz! Ult maqtan tutar ul-qyz bolaıyq,​ el úmitin aqtar er bolýǵa bardy salaıyq! Sonda ǵana ustazymyz bizdi maqtan tutady!
​ ​ ​ ​ ​ *​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ *
15)​ ​ ​ ​ ​ ​ "Muǵalim óziniń bilimdiligimen, júris-turysymen, jaıdary minezimen, tipti syrt pishini, kıgen kıimimen de oqýshysyna jaqsy maǵynada qatty áser etedi."- degen eken Málik Ǵabdýllın. Boıymnan jylt etken jaqsy qasıet baıqasańyz, "ustazy jaqsy eken"- dep oılaı berińiz! Men - ustazymnyń aınasymyn! Raqmet Sizge ustazym! Men Sizdiń esimińizdi kirletpeýge tyrysamyn!
​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ *
16)​ ​ "Ustaz degen ulaǵatty ataýdy estigende, kúni búginge deıin ózimdi shákirtteı sezinemin".- depti Serke Qojamqulov. Biz sizge máńgi shákirtpiz Maıra apaı!​ Sizdiń esimińizdi júregimizde máńgi saqtaımyz!
​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ *
17)​ ​ ​ "Eger muǵalim ón boıyna, óz isine, shákirtine degen súıispenshilikti jınaqtasa, ol – naǵyz ustaz"- depti
L.N.Tolstoı. Biz sizdiń súıispenshiligińizdi sezemiz!​ Biz de sizdi qatty jaqsy kóremiz! Biz sekildi shákirtterińiz kóp bolsyn!
​ ​ ​ ​ ​ ​ *​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ *
18)​ ​ "Mekteptiń jany – muǵalim. Muǵalim qandaı bolsa, mektep sondaı bolmaqshy. Iaǵnı, muǵalim bilimdi bolsa, ol mektepten balalar kóbirek bilim alyp shyqpaqshy"- degen Ahmet Baıtursynov. Biz áli úlken bilim shyńdaryn baǵyndyryp, ustazdarymyz ben mektebimizdiń dańqyn asqaqtatatyn bolamyz!​ Jasaı ber Kemertoǵan orta mektebi!
​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ *
19)​ ​ "Qazaqtyń taǵdyry, keleshekte el bolýy da mektebiniń qandaı negizde qurylýyna baryp tireledi. Mektebimizdi taza, berik hám óz janymyzǵa /qazaq janyna/ úılesetin negizde qura bilsek, keleshegimiz úshin taıynbaı-aq serttesýge bolady"- degen ult aqyny Maǵjan Jumabaev. Men Kemertoǵan orta mektebine, bizge bilim bergen barlyq ustazdarǵa,​ synyp jetekshimiz Maıra Baltabaıqyzyna - sheksiz alǵysymdy bildiremin! Qosh bol, bastaýysh!
​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ *
20)​ ​ "Ustaz bolý – óz ýaqytyn aıamaý, ózgeniń baqytyn aıalaý"- depti J.J.Rýsso. Biz úshin sarp etken altyn ýaqyttaryńyz aqtalsyn dep tileımin aıaýly ustazym!
​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ ​ ​ *
21)​ "Muǵalimdik mamandyq – bul adamtaný, adamnyń kúrdeli jáne qyzyqty, shym-shytyryǵy mol rýhanı jan dúnıesine úńile bilý" - degen eken V.A.Sýhomlınskıı. Meniń bala júregime jol taba bilgen aıaýly ustazdarym! Barlyǵyńyzdy jaqsy kóremin!
​ ​ ​ ​ *​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ ​ ​ ​ *
22) "Ustazdyq - ulyq emes, uly qyzmet"- degen Baýyrjan Momyshuly. Sizdiń uly qyzmetińizge sheksiz alǵys bildiremiz Maıra apaı!
​ ​ ​ ​ ​ ​ *​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ *
23) "İlim úırenip, odan soń ony basqalarǵa úıretpeý - mol dúnıe jıyp, ony keregine jaratpaı, kómip qoıǵanmen birdeı"- degen paıǵambarymyz Muhammed ǵaleıhıssalám! Biz ustazdarymyzdyń boıyndaǵy bar bilimin aldyq - dep oılaımyn!​ Endi osy bilimdi damytyp,​ el ıgiligine jaratý - bizdiń perzenttik paryzymyz!​ Myń alǵys sizderge ustazdar!
​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ *
24) "Óziniń ustazynan asyp túsýge talpynbaǵan shákirt - beıshara" - depti Leonardo da Vınchı. Biz óz ustazdarymyzdan da asyp túsetin, bolashaq ustazdarmyz! Bizderge tileýles bolyńyzdar aıaýly ustazdar!
​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ ​ *
25) "Muǵalimniń búkil maqtanyshy - shákirtterinde, ózi shashqan bilim uryqtarynyń ósip-ónýinde" - degen D.I.Mendeleev. Biz sizderdiń maqtanyshtaryńyz bolsaq eken! - dep tileımin, qymbatty ustazdarym.
​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ ​ ​ ​ *
26)​ Sabaq ústinde jybyrlap,​ qybyrlap,​ synyptastarǵa sybyrlap otyratynmyn! Al ustazym kózben-aq eskertý jasap, meıirimmen tárbıeleı bildi. Myń alǵys Sizge ustazym!
​ ​ ​ ​ ​ *​ ​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ ​ ​ *
27)​ Qońyraýda mektep dálizinde qaǵazben tanki oınap, ústi-basymyz shań-shań bolyp synypqa kiretinbiz! Apaıymyz qansha márte eskertse de,​ oınaı beretinbiz! Endi sol kezder balalyq tátti​ kúnderdiń tasasynda, qol bulǵap qalyp barady... Tentektigimiz úshin keshirińiz bizdi Maıra apaı?!
​ ​ ​ ​ ​ ​ *​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ ​ ​ *
28)​ Únemi elge soqtyǵyp,​ aınalamdy shý qylyp júretinmin!​ Endi jigit boldym. Bastaýyshtaǵy sol qylyqtaryma uıalamyn! Meıirimdi ustazym,​ kóp renjitken tentegińizdi keshirińiz! Men sizdi jaqsy kóremin!
​ ​ ​ ​ *​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ ​ ​ *
29)​ Maǵan kóp eskertý jasap, únemi baqylap otyratynsyz! Endi meni saǵynasyz dep oılaımyn?! Al men sizdi eshqashan umytpaımyn! Úlken jigit bolǵanda, kúlip eske alatyn estelikterim bolǵany úshin qýanamyn! Bar bolyńyzdar aıaýly ustazdar!
​ ​ ​ ​ ​ ​ *​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ *
30)​ Mektep ómiri - bizdiń eń mańyzdy kezeńimiz! Mine zyr etip bastaýysh ta óte shyqty.​ Endi bir qaraǵanda mektepti de bitirip jatamyz!​ Bizdi aqymaq qalpymyzda qabyldap, aqyldy etip shyǵaryp salǵan ustazdarǵa alǵysymyz sheksiz!​ Qosh bol, bastaýysh!

---