InfoHub Logo

Ertegi áleminde atty sahnalaý
Aılaker túlki ertegisi
Dramalyq oıyn: Ertegini dramatızasıalaý (sahnalaý)
Maqsaty: Erteginiń mazmunyn sahnalaý barysynda keıipkerlerdiń rólderine enip, dıologty sóıleýge úıretý. Daýys yrǵaq, túrli ıntonasıa, qımyl - qozǵalyspen, keıbir ym – ısharamen beıneni keltire bilý qabiletin, sózdik qoryn damytý.
Qatysýshylar:
Bastaýshy:
Taýyq: İnjý
Átesh: Mansýr
Úırekter: Jansaıa men Dosjan
Taýystar: Janel men Jantóre.
Qoıan: Eskendir
Túlki: Gúlnazym

Bastaýshy: Baıaǵy bir zamanda orman ishinde alaı - dúleı daýyl soǵady. Daýyldyń qatty soqqany sonshalyq aǵashtardy tamyrymen qulatyp, jýan butaqtardy syndyryp, japyraqtardy ushyryp áketedi. Ańdar qoryqqanynan óz inderine tyǵylypty. Osylaısha daýyl birneshe kún soǵyp, artynsha tynyshtalypty. Sol ormanda Átesh pen Taýyq ómir súripti. Daýyl olardyń balapandaryn ushyryp áketipti. Jel tynyshtalǵanda Taýyq Áteshke:
Taýyq - Men munda endi qala almaspyn. Bizge basqa jerge qonys aýdarý kerek

Átesh: Jaraıdy endeshe basqa qonys izdeıik

Bastaýshy: Átesh Taýyqtyń sózine kelisip, qonys izdeýge birge attanypty.
Sóıtip, olar jolda kele jatsa, aldarynan eki úırek kezdesipti.

Úırek: Taýyqtan: - Sińlim! Qaıda jol júrmeksińder?

Taýyq pen Átesh: Biz endi bul ormanda qalýǵa qorqamyz, sondyqtan jańa qonys izdeýge bara jatyrmyz.

Úırekter: Endeshe bizdi de ózderińmen birge ala ketińdershi, bizde munda turǵymyz kelmeıdi

Bastaýshy: Átesh pen Taýyq kelisip, tórteýi birge jolǵa shyǵypty.
Kóp uzamaı olarǵa eki Taýys kezigipti.

Taýystar: Barlyqtaryń qaıda bara jatyrsyńdar?

Sonda barlyǵy: Bul ormanda turý qaýipti, sondyqtan basqa jerden qonys izdep bara jatyrmyz.

Taýystar: Endeshe bizdi de ala ketińdershi, bizge de kaýip tónip tur

Bastaýshy: Endi olar altaý bolyp, jańa qonys izdepti.
Joldan bularǵa Qoıan da ilesipti. Kenet qaıdan shyqqany belgisiz aldarynan Túlki shyǵypty. Ol qonys aýdarýshylardy kórip tańǵalyp, bylaı deıdi: -

Túlki: Shyraqtarym, qaıda baǵyttap bara jatyrsyńdar?

Barlyǵy: Biz myna ormanda qalýǵa qorqamyz, sondyqtan ózimizge jańa qonys izdep bara jatyrmyz.

Túlki:- Bizdiń ormannan ketpeńder!
Men bir jaqsy jer bilemin. Sol jerdi kórseteıin be? Onda typ - tynysh jáne sender onda raqat ómir súresińder!

Bastaýshy: Biraq Túlki aıtqan jerdi maqtap, aldaǵany sonsha, aqyrynda bári sol jerdi kórýge kónip:

Barlyǵy: Jaraıdy, eń áýeli maqtaǵan jerge baryp, kóreıik. Unamasa ári qaraı kete beremiz.

Bastaýshy: Túlki olardy dál óziniń inine ákelip alyp

Túlki:- Budan ári jol tar, men aldyna shyǵaıyn, al sen¬der bir - birden meniń artymnan júrińder»

Bastaýshy: Osy sózden keıin ol inine jylmań etip túsip, jasyrynyp qaldy. Al onyń artynan birinshi Taýys kirdi, sosyn Átesh, taǵy qalǵandary. Túlkiniń aldaǵanyn bilgen Qoıan jyldam sekirip, apannan shyǵyp ketti. Qatty júgiretin Qoıanǵa Túlki jete almady. Biraq ańqaý kustardy jep qoıdy.

Tárbıeshi: Jalelova Ú. S.
Aılaker túlki ertegisi júkteý