InfoHub Logo

Tárbıe saǵaty 7 klass
Taqyryby: Aınaldym, «Ana» degen úsh áripten
Maqsaty: Oqýshylardy anany ardaqtaı bilýge tárbıeleý. Balanyń jan - jaqty óz eliniń, halqynyń qamyn oılaıtyn, ata - anasyn syılaı biletin azamat tárbıeleýmen qatar ulttyq tárbıeni nasıhattaý.
Kórnekiligi: ınteraktıvti taqta, túrli formadaǵy qıma qaǵazdar, «ómir» aǵashy, júrekshe.
Tárbıe saǵatynyń barysy:
Uıymdastyrý
Sálemetsizder me, oqýshylar, qazaq eliniń jarqyn bolashaqtary! Búgingi tárbıe saǵatymyzdy bastamas buryn, sizdermen tanysyp alý maqsatynda aldymen sheńber oıynyn oınaıyq. Ol úshin bárimiz ortaǵa shyǵyp, sheńber quraıyq.

Shattyq sheńber
Men senderdi kórgenime qýanyshtymyn!
Qýanamyn men de,
Qýanamyn men de,
Qýanasyń sen de.
Qýanaıyq dostarym
Araılap atqan kúnge.
- Balalar, biz nege shattyq sheńberin quryp bastadyq?
Sheńber – bul álemdegi eń jaqsylyqtyń nyshany. Endeshe bir - birimizge qarap, myna suraqtarǵa jaýap berip kóreıikshi:

Psıhologıalyq sát: Júrekten - júrekke « Maǵan eń qymbat jan»
Ananyń árbir sózi jylylyqqa toly. Ananyń kún nury tastaı muzdy da jibitedi. Olaı bolsa, búgingi tárbıe saǵatymyz «Aınaldym, «ana» degen úsh áripten» dep atalady.
- Ana degenimiz kim?
- Ár adamnyń óz anasyna degen mahabbaty sheksiz! Ana, ana, ana! degende tolqymaıtyn júrek, tolǵanbaıtyn jan joq! Ana - árbir adam balasy úshin eń ystyq, janǵa jaqyn, maǵynaly da qasterli sóz. Adamnyń aýzynan shyǵatyn eń alǵashqy sózi de – ana. Adamzat balasy eń alǵash dúnıe esigin ashqanda ananyń aq sútimen boıyna nár alady, ana qushaǵyna enip, ana meıirimine bólenedi. Qanshama baılyq ıesi bolsań da, álemge áıgili adam bolsań da, anańdy, onyń saǵan jasaǵan jaqsylyǵyn umytpaý - seniń ómir boıyńdaǵy boryshyń. Qaı adam qolynan kelgen syı - qurmetin jasamady deseńizshi, shirkin! Biraq sonyń bári ananyń bir aýyz jyly sózine de jetpeıdi. Dúnıeniń nury, ómirdiń gúli, qyzyqtyń qyzyǵy - ananyń qolynda. Ana bir qolymen besik terbetse, ekinshi qolymen álemdi terbetedi. Kez - kelgen adamnyń ádeptigi men jan dúnıesiniń sulýlyǵy, eń aldymen balaǵa aq sútin berip, álpeshtep ósirgen Ana júreginiń jylýynan bastalady. Bala boıyndaǵy eń jaqsy qasıetter bizge aldymen anadan taraıdy. Ananyń názik úni, jumsaq aıaly alaqany, jan - jylýymen aıaýlaýy bizdi áldılep jubatady. Ana bolý - búkil ómirine ketetin uly rýhanı kúsh pen eren eńbek. Dúnıede ne jaqsylyq bolsa, sonyń bári ananyń aq súti men kúnniń nurynan jaralǵan. Anaǵa qanshama aqyndar jyr arnaǵan. Qanshama jazýshylar shyǵarma jazǵan. Ana - máńgilik taqyryp.
Anam meniń – kóktegi kúnmenen teń,
Anam meniń – jaýqazyndaı gúlmen teń,
Álpeshtegen asyl anam bolmasa,
Bul ómirdiń qadirin de bilmes em.
Júzińnen bir shattyq kórem anashym,
Men úshin qýanasyń, nurlanasyń.
Osy ómirge jetkizgen óziń úshin,
Sen maǵan jyr anasyń, nur anasyń, - degendeı, ana degen uly esimge án men jyryn arnamaǵan pende joq shyǵar sirá? Olaı bolsa, anaǵa arnalǵan óleń joldaryna kezek bereıik. Bizdiń balalarymyz analaryn qalaısha jyrlar eken...
Ana degen - báıteregi ómirdiń,
Ana degen - qýanyshy ómirdiń.
Ana degen - ár úıdiń jylýy,
Ana degen - gúli týǵan ómirdiń.
Biz sizdersiz tirshilik ete almaımyz,
Biz sizdersiz ómirde júre almaımyz,
Eger bizdiń qasymyzda bolmasańyz,
Bul ómirde eshqashan júre almaımyz.
Sizder – kúnsiz, aspanda jarqyraǵan,
Sizder - ózen, taý sýy sarqyraǵan,

Úsh tilde oqytatyn
№21 orta mektep - gımnazıasy
Klass jetekshisi: Álı G. Q.
Aınaldym, «Ana» degen úsh áripten. júkteý