InfoHub Logo

Májilis depýtaty Maqsat Tolyqbaı "Azattyq radıosynyń jabylýy múmkin" degen aqparatqa ókinish bildirdi.

"Azattyq jabylady, AQSH qarjylandyrýdy toqtatady degen jańalyq tarap jatyr. Eger bul ras bolsa, óte ókinishti. Sóz bostandyǵy, saıası ınstıtýttardyń damýy, beıtarap aqparat taratý turǵysynan alǵanda, Azattyqtyń orny erekshe. Aptalyq sholýlaryn únemi qarap otyramyn, ásirese zertteý materıaldary óte myqty. Manas Qaıyrtaıuly, Nurgúldiń eńbekteri, Dýbaıdaǵy páterler men olıgarhtardyń jasyryn múlikteri týraly zertteýleri naqty dáleldermen berildi. Eger olar jalǵan aqparat taratsa, baıaǵyda sotqa tartylatyn edi. Azattyq kóptegen kásibı jýrnalıserdiń shyńdalýyna yqpal etti. Rahat Mamyrbek, Qasym Amanjol syndy myqty jýrnalıser osynda tájirıbe jınaqtady. Bul – úlken mektep", – dedi ol Májilis kýlýarynda.

Aıta keteıik, buǵan deıin "Azattyq radıosyn qarjylandyrý toqtatylýy múmkin" degen aqparat taraǵan edi. Eger bul sheshim júzege assa, Qazaqstandaǵy táýelsiz aqparat alańy odan ári tarylýy múmkin.