Túrkistan oblysynda 9-synyp oqýshysynan bala týyldy: 23 jastaǵy er adam kúdikti retinde ustaldy
Túrkistan oblysynda 9-synyp oqýshysynan bala týyldy: 23 jastaǵy er adam kúdikti retinde ustaldy
— dep habarlaıdy Infohub.kz tilshisi.
Túrkistan oblysynda jasóspirim qyz 21 maýsymda bosanyp, bul jaıt boıynsha qylmystyq is qozǵaldy. Jelide taraǵan málimetterge qaraǵanda, jynystyq qatynas kezinde qyz 9-synypta oqyǵan. Onyń týystary da bul derekti rastap otyr.
Qoǵamda rezonans týdyrǵan jaǵdaıǵa baılanysty kúdikti retinde 23 jastaǵy er adam ustaldy. Belgili bolǵandaı, ol buryn áskerı qyzmette bolǵan degen aqparat taraǵan. Alaıda, Túrkistan oblystyq Polısıa departamenti kúdiktiniń áskerı qyzmetker ekenin resmı túrde rastamady.
Qyzdyń týystarynyń aıtýynsha, qatynas bolǵan soń eki jaq kelisip, qyzdy jigitke “úılendirgen”. Jasóspirim ýchetqa tirkelý kezinde aýdandyq ishki ister bóliminen kelgen qyzmetkerdiń kózinshe "óz erkimmen keldim" dep qolhat jazyp bergen. Al jigittiń ata-anasy toıǵa mektep muǵalimderi kelgende ǵana qyzdyń kámeletke tolmaǵanyn bilgenderin aıtqan.
Qazir atalǵan fakti boıynsha sotqa deıingi tergep-tekserý amaldary júrgizilip jatyr. Zań aıasynda taraptardyń áreketine quqyqtyq baǵa berilmek.
You Might Also Like
-
Qyzylorda qalasyndaǵy dámhanalardyń birinde jantúrshigerlik oqıǵa oryn aldy. Kafeni basqaratyn áıel men sol jerde jumys isteıtin káýapshy arasynda janjal shyǵyp, sońy aýyr dene jaraqatymen aıaqtalǵan.
-
Buqaralyq aqparat quraldary qyzmetkerleri kúnine oraı 60 qazaqstandyq jýrnalıs pen medıa salasynyń mamandary baspanaly boldy. Páter kiltterin "Dara" prezıdenttik bastamalar qory Memleket basshysy Q...
