InfoHub Logo

Taqyryby "Baǵdarsham"
Maqsaty: Jolda júrý erejelerimen, jol belgilerimen, tanystyrý.
Jolda júrý erejesin muqıat saqtaýǵa, jaýapkershilik sezimderin damytý. Balany zeıindi, epti bolýǵa tárbıeleý.
Kórnekilikter: baǵdarsham, jol belgileri, jol qaýipsizdigi týraly sýretter.
Ádis – tásil: áńgimeleý, túsindirý, oıyn, suraq - jaýap.

Júrgizýshi: Ortamyzǵa «Qyzyl», «Sary», «Jasyl» komandalaryn
shaqyramyz. Sálemetsizder me, ata - analar, balalar,
apaılar!
Jan - jaqty jetilgen, parasatty, mádenıetti, deni saý azamat ósirý otbasynyń, balabaqshanyń, jalpy halyqtyń qasıetti boryshy ekeni barshamyzǵa aıan. Balabaqshamyzdyń da negizgi maqsaty bolashaqta jas urpaqty halqyna qalaýly, ata - ananyń maqtanyshy, deńi saý, symbatty, adamgershiligi mol azamat etip ósirip tárbıeleý.
Armanǵa alda kútken asyǵamyz.
Biz qalaı bárin bilmeı basylarmyz.
Jol júrý erejesin saqtaı biler,
Tártip pen saqtyq súıer – jasulanbyz.
Búgingi «Men úlgili jolaýshymyz» saıysymyzdy bastamas buryn balalarymyzdyń jolda júrý erejesi týraly kórinisin tamashalaıyq.
(Dáriger, Túlki, Qoıan – betperdesin kıgen balalar)
Júrgizýshi dárigerdi kórsetip:
Kishige, úlkenge, jasyńa, kárińe.
Járdemin beretin adamnyń bárine.
Shıpager apamyz biz úshin ábiger
Sebebi ol kisi bilikti – dáriger.
(Balalar qurmetpen qol soǵady. Osy kezde Qoıan qulaǵyn ustap, Túlki aqsańdap kiredi)
Túlki: Júgirip ekeýimiz oınadyq qýyspaq.
Qoıan: Aýlada shap berip, almaqshy qý ustap.
Túlki: Al qoıan zyp berip jóneldi.
Qoıan: Aýla tar bolsa qaıteıin men endi?
Túlki: Qoıandy qýam dep tapqanym,
Aıaqtan aıyrylyp, aqsaq bop jatqanym.
Qoıan: Mashına astynan óttim ǵoı júgirip.
Qulaǵym qalypty temirge ilinip.
Dáriger: Qulaq pen aıaqqa jaǵatyn dári bar,
Ereje bilmeseń emhana tabylar.
Mynalardy tezirek emhanaǵa jetkizeıik.(Shyǵyp ketedi)
Júrgizýshi: Balalar kórdińizder me, osynyń bári tártip buzyp, jol erejesin bilmegendikten bolyp otyr.
(«Jolda júrý erejesi» vıdeo rolık kórsetiledi)
Júrgizýshi: Bala tárbıelegen tárbıeshi,
Bala bolyp oılaıdy,
Bala ósirgen ata - ana
Bala bolyp oınaıdy - dep, saıymyzdy bastaımyz.
Saıysymyzdyń shartymen tanys bolyńyzdar. Saıys 5 bólimnen turady.
1. Tapqyr
2. Kim jyldam?
3. Kim epti?
4. Ornyńdy tap
5. Júrgizýshi
Qazylar ornyqtyrar ádildikti
Kimderdiń jaýaptary kámil shyqty.
Bilim men tapqyrlyqtyń saıysynda,
Jeńiske jeter deımiz naǵyz myqty, - deı kele saıyskerlerimizge ádil baǵa beretin ádil qazylar alqasymen tanys bolyńyzdar.