InfoHub Logo

«Qyz erkem, qylyǵymen kórkem!»
Bilimdilik: Qyz balalardyń jan dúnıesindegi kórkemdik talǵamyn qalyptastyrý.
Damytýshylyq: sheberligin damytý.
Tárbıelik: Kópshilik aldynda ózin - ózi ustaı bilýge, ádeptilikke, meıirimdilikke, sulýlyqqa tárbıeleý.

Júrgizýshi: Qurmetti Aq jaýlyqty analar, ulaǵatty ustazdar, sulý arýlar! Sizder 8 - Naýryz Halyqaralyq analar kúnine arnalǵan «Qyz erkem, qylyǵymen kórkem!» atty merekelik keshke jınalyp otyrsyzdar. Mektepaldy «D» daıarlyq tobynyń balalarymen ótkiziletin merekemizge qosh keldińizder!

Áýenmen zalǵa balalar kiredi, qoldarynda gúlder bolady.
Júrgizýshi:
Armysyzdar aq tilekti ájeler,
Ertegimen ómirimdi ásemder.
Merekeńmen aıalaǵan analar,
Bir ózińnen bar qýanysh taralar.
Shýaq shashqan altyn kóńil arýlar,
Daryn bop ónermenen qarýlan.

Mine, aldaryńyzda sizderdiń balalaryńyz, elimizdiń bolashaǵy, meniń shákirtterim bar ónerin kórsetpek.
Qurmetti jınalǵan qaýym bárimiz ana degen asyl jannan jaralǵan bir tulǵamyz. Sol analarymyzǵa uzaq ómir, talmas qanat, taýsylmas baqyt tileı otyryp, merekesimen shyn júrekten quttyqtaımyz.
Iá, bárimizge de osynaý álemniń jaryǵyn syılaǵan ana esimi qashanda bıik, ári qymbat.
Aldymen óner kórseter arýlarymyzǵa sáttilik tilep, merekemen quttyqtap ____________ ájemizdiń aq batasyn alýǵa ruqsat berińizder.

Júrgizýshi:
- Balalar, búgingi taqyrybymyzǵa baılanysty men senderge jumbaq jasyrǵym kelip tur. Sheshýin taba alamyz ba?
Bala, bala, bala dep
Túnde shoshyp oıanǵan
Tún uıqysyn tórt bólip
Túnde besik taıanǵan
Búl kim?

Balalar: Ana, ana, ana.

Júrgizýshi:
Tamasha, ónerli ekensińder. Al balalar sender úıde ata - analaryńa kómek tesesińder me? Shyndaryńdy aıtyńdar! Qazir men analaryńnan suraımyn.
1. Kúni boıy oınaı beretin, oınap bolǵan soń oıynshyqtaryn jınaýǵa erinetin, dym istemeıtin, jalqaý bala bar ma sizderde?
Analary: Joq, joq!
2. Al, táńerteń erte turyp, mektepke ózi kıinetin, úıde anasyna kómektesetin ádepti, tártipti bala bar ma sizderde?
Analary: Bar, bar!

Júrgizýshi.: Árine, bul bizdiń analarymyz. Ana perzent tárbıeleýshi. Endeshe osy asyl analarymyzǵa arnalǵan balalarymyzdyń taqpaqtaryna kezek bereıik:

Taqpaqtar
1. Muratqan
Toı perdesin ashaıyq
Toıǵa shashý shashaıyq
Analardy qurmettep,
Án marjanyn ashaıyq.