InfoHub Logo

Belgili prodúser Baıan Alagózovanyń aktrısa Merýert Ótekeshovaǵa jasaǵan erekshe syılyǵy kópshiliktiń yqylasyn aýdardy. Aktrısanyń «Qyz Jibek» fılmindegi ańyzǵa aınalǵan beınesin somdaǵanyn eskerip, onyń jaǵdaıyn jasaǵan Baıan Alagózovanyń iltıpaty aqynnyń júregin eljiretip, arnaý óleńge ulasqan.

Bul týraly Infohub.kz aqparat agenttigi habarlaıdy.

Aqynnyń júrekjardy shýmaqtary

Aqyn Baıan Alagózovanyń keń peıili men úlkenge degen qurmetin erekshe atap ótip, onyń jasaǵan jaqsylyǵyn tebirenispen jetkizgen. Óleńde:

«Merýertteı apamyzǵa shapan japtyń,
Qulaǵyna brıllıant-altyn taqtyń!
Páter jaldap turady degendi estip,
Berekesin keltirdiń shańyraqtyń!»

degen joldarmen prodúserdiń meıirimdi isi sýrettelgen.

Qyz Jibek pen Baıan sulý

Aqyn óz jyrynda Baıan Alagózovany búgingi zamannyń «Qyz Jibegi» dep atap, onyń rýhy bıik, maqsatyna jetken hanym ekenin aıtady. Sondaı-aq, óleńde halyq arasyndaǵy keıbir pikirlerge de jaýap berilip, shyndyqty bilmeı jatyp aıyptaýdyń durys emestigi meńzeledi.

«Keshegi kúnniń Merýert apam Qyz Jibegi,
Búgingi kúnniń Baıan hanym Qyz Jibegi!
El aýyzynda qalatyn eki arýdy,
Keregin túzer erteńgi kúnniń Qyz - Jibegi!»

dep, eki arýdyń da el esinde qalatynyna toqtalady.

Qazaqtyń ul-qyzdaryna úndeý

Aqyn óleńniń sońynda jastardy úlkenderdi syılaýǵa, izetti bolýǵa shaqyryp, qazaqtyń ul-qyzdaryna aq batasyn bergen.