InfoHub Logo

Reseıdegi álemdegi eń tereń kólderdiń biri – Baıkal kólinde qaıǵyly oqıǵa boldy. Muz ústimen saıahattap júrgen qytaılyq týrıser mingen kólik apatqa ushyrap, saldarynan jeti adam kóz jumdy. Bul týraly jergilikti aqparat quraldary habarlady.

Bul týraly Infohub.kz aqparat agenttigi habarlaıdy.

Oqıǵa 20 aqpan kúni kúndiz bolǵan. Hýjır aýyly mańyndaǵy demalys ornynan shyqqan "ÝAZ" avtokóligi toǵyz adamdy, onyń ishinde segiz qytaılyq týrısi alyp, kóldiń muzymen Hoboı múıisine qaraı bet alǵan. Alaıda, qozǵalys kezinde kólik muzdyń jaryǵyna túsip, sý astyna ketken.

Qaza tapqandar arasynda bala da bar

Apat saldarynan kólikti basqarǵan 44 jastaǵy jergilikti júrgizýshi men jeti týrıs qaza tapty. Qaıtys bolǵandardyń qatarynda 2013 jyly týǵan bala da bar ekeni anyqtaldy. Tek bir týrıs aman-esen shyǵa alǵan.

Irkýtsk oblysynyń gýbernatory Igor Kobzevtiń aıtýynsha, qaza tapqan týrıser arasynda QHR azamattary – jubaılar, olardyń 14 jasar balasy jáne taǵy bir týysy bolǵan. Olar týroperatorlar arqyly emes, tikeleı júrgizýshimen kelisim jasap, óz betinshe saıahatqa shyqqan.

Máseleniń mán-jaıy

Apat oryn alǵan jerdegi muzdyń qalyńdyǵy 18 metrdi qurap, kólik úsh metrlik muz jaryǵyna túsken. Qazirgi ýaqytta aman qalǵan jolaýshy demalys ornynda ornalasqan jáne tergeýshiler odan jaýap alatyn bolady.

Oblys gýbernatory Igor Kobzev Olhon aralyna baratyn muz ótkeliniń áli ashylmaǵanyn jáne muzǵa shyǵýǵa tyıym salynǵanyn, bul óte qaýipti ekenin eske saldy.