InfoHub Logo

Atyraý oblysy ákiminiń burynǵy orynbasary, sybaılas jemqorlyq úshin sottalǵan Bakytgúl Hamenova bostandyqta qalady. Bul sheshimdi Atyraý qalasy №2 soty qabyldady.

Bul týraly Infohub.kz aqparat agenttigi habarlaıdy.

Hamenovanyń úsh jyldyq merzimge berilgen jazany óteý merziminiń keıinge qaldyrylýy 10 naýryzda aıaqtaldy. Ol bul ýaqytta kishkentaı balasynyń tárbıesimen aınalysqan bolatyn. 16 naýryzda Atyraý qalasynyń №2 sotynda probasıa qyzmetiniń ótelmegen jazany bas bostandyǵyn shekteý túrine aýystyrý týraly usynysy qaraldy.

Sot sheshimi

Sot otyrysynda Hamenovanyń jazany keıinge qaldyrý kezinde qoǵamdyq tártipti buzbaǵany, ákimshilik jaýapkershilikke tartylmaǵany jáne bala tárbıesindegi mindetterin oryndaǵany aıtyldy. Osy jaǵdaılardy eskere ala otyryp, sot usynysty qanaǵattandyrdy. Ótelmegen jazanyń qalǵan bóligi 7 jylǵa bas bostandyǵyn shekteýmen jáne sol merzimge probasıalyq baqylaýmen aýystyryldy.

İstiń mán-jaıy

2022 jyldyń 15 qarashasynda Atyraýdaǵy sot eks-ákim orynbasary Bakytgúl Hamenovaǵa qatysty úkim shyǵarǵan bolatyn. Ol para alǵany úshin kináli dep tanylyp, jeti jylǵa bas bostandyǵynan aıyryldy. Alaıda, sot onyń kishkentaı balasynyń bolýyna baılanysty jazany óteýdi keıinge qaldyrǵan edi. Sol kezde Hamenova sot zalynan bosatylǵan bolatyn.

2023 jylǵy aqpanda sot apelásıalyq shaǵymdy qanaǵattandyrmaı, burynǵy úkimdi ózgerissiz qaldyrdy. Ótken jyldyń kúzinde Hamenovanyń toıda júrgen vıdeosy jelide paıda bolǵan edi. Qylmystyq-atqarý júıesi komıteti bul jaǵdaıǵa qatysty eks-sheneýnikke mádenı-buqaralyq sharalarǵa qatysýǵa tyıym salynbaǵanyn habarlady.