InfoHub Logo

1.    Balalaryńyzdy erninen súımeńiz.

2.    Qoǵamdyq kólikterde balalaryńyzǵa «myna apaıdyń aldyna otyr», «myna aǵaıdyń janyna otyr» deý arqyly beıtanys adamdarmen baılanysyn kúsheıtpeńiz.

3.    Balańyzdy basqa adamdarmen dárethanaǵa jibermeńiz, tipti týysyńyz bolsa da.

4.    Balańyz ózin súıgizgisi kelmese, oǵan ashýlanbańyz.

5.    Balańyzǵa óziniń qalaýynan tys onyń denesine eshkim tıse almaıtynyn úıretińiz.

6.    Baǵdarshamda qyzyl janyp turǵanda, jol bos bolsa da, balańyzben birge joldan ótpeńiz.

7.    Balańyzdyń kózinshe kolany simirip iship «balam, kola óte zıandy» demeńiz. Ózińizge degen seniminen aıyrylmańyz.

8.    Ózińiz kitap oqymaıtyn jan bolsańyz, «balam kitap oqymaıdy» dep oǵan renjimeńiz.

9.    Balańyzǵa «Sen isteı almaısyń» dep saǵyn syndyrmańyz, «istep kórgiń kele me?» dep jigerlendirińiz.

10.    Balańyzben dos bolmańyz, áke-sheshe bolyńyz.

11.    Balańyzǵa tyıym sala bermeńiz, oǵan zıanyn túsinikti tilmen túsindirińiz.

12.    Balańyzben sóıleskende onyń kózine qarańyz.

13.    Balańyzdy kóp qushaqtańyz. Ózine qajetti mahabbatty sizden ala almaǵan bala ony syrttan izdeıtinin esten shyǵarmańyz.

14.    Balańyzdyń namysyna tımeńiz, kinálaı bermeńiz jáne eshqashan eshkimmen salystyrmańyz. Ár balanyń ózinshe erekshe ekenin umytpańyz.

15.    Balańyzǵa birnárse úıreterde qorqytý arqyly emes, túsindirý arqyly úıretińiz.

16.    Balańyzdyń suraǵan suraǵyna qysqa ári nusqa jaýap berińiz. 

Eljas Ertaıuly

«Baqytty otbasy» otbasylyq keńes ortalyǵy

---