InfoHub Logo

Balabaqsha balalaryna ertegimen psıhologıalyq qyzmet kórsetý.

Balabaqsha balalaryna ertegimen psıhologıalyq qyzmet kórsetý. Balabaqsha balalarynyń kórkem ádebıetke degen qyzyǵýshylyǵyn qalyptastyrýdyń orny balalar ómirinde erekshe oryn alady. Balanyń ıntellektýaldy qabiletin, rýhanı baılyǵyn, oı - órisin damytýda shyǵarmalardyń mańyzy zor. Balabaqsha balalary kórkem shyǵarmalarmen tanysa otyryp, olardyń janryn aıyra bilýge qol jetkizedi. Ádebı shyǵarmalar balany ómirdegi eń kúrdeli álem - adamdar sezimi, qýanyshy men qaıǵysy, qarym - qatynastary, minez - qylyqtary álemine engizedi. Aınaladaǵy shyndyq týraly balalardyń bilimin keńeıtedi. Mektepke deıingi balalardy kórkem ádebıetpen tanystyrýdyń negizgi mindeti - bolashaqta ádebı bilimdi adam tárbıeleýdiń negizi bolyp tabylady. Kórkem ádebıet sabaǵynda balalar jańa shyǵarmalarmen tanysady, olardy tyńdaýdy, túsinýdi úırenedi. Balalarǵa ertegi, taqpaqtardy túsiný, olardyń obrazdaryna kirý, qylyqtaryn baǵalaý óte mańyzdy. Árbir adam týylǵannan bastap ertegi, batyrlar jyryn, ańyzdardy, ósıet áńgimelerdi tyńdap ósedi.

Ertede bilim men aqyl urpaqtan urpaqqa ertegi túrinde jetkizilip otyrǵan, sebebi ol qabyldaýǵa jeńil, ári este jaqsy saqtalady. Bala ertegi keıipkerine uqsaǵysy kelgen kezde ertegi terapıalyq áser etedi. Ertegi jaqsylyqqa úmit beredi de balanyń ómirinde bolyp kórmegen birqatar ómirlerde ózin kóz aldyna elestetkizedi. Ertegini oqyp jatqan ýaqyttaǵy elestetip oılaý arqyly paıda bolatyn sýretter ár balanyń ózindik jeke ekendigine qaramastan, erteginiń fenomeni balalardyń túsindirýge múmkin emes tańǵalarlyq ǵajaıyp shytyrman oqıǵaǵa qyzyǵýshylyq bolyp tabylady. Ertegi elestetip oılaý qabiletin qalyptastyrady.

Ertegide meıirimdilik pen zulymdyq, jomarttyq pen sarańdyq, batyldyq pen qorqaqtyq sıaqty t. b uǵymdar berilgen. Bunyń bári adamgershilik qundylyqtar arqyly bala tulǵasyn qalyptastyrady. Ertegi pedagogıkada, psıhologıada jáne de psıhoterapıada qoldanylady. Bul ádistiń qoldaný keńdigi qol jetimdilik pen tıimdilikte belgilengen. Ertegi - balanyń ishki dúnıesiniń aınasha aqtarylatyn sımvolıkalyq úlgisi deýge bolady. Ol balaǵa múlde ár túrli áleýmettik rólderdi basynan keshýge, ertegi oqıǵalary men naǵyz ómir arasyndaǵy baılanysty aıyrýǵa múmkindik beredi. Ertegide kózge kórinbeıtin ustaz bar ekeni seziledi, ol sezdirmeı úıretip otyrady, keıipkerdiń qatelik jasaýyna jol bermeıdi. Balaǵa kelispeýshilik jaǵdaıdy sheshýge bolatyn joldardy qarastyrýǵa usynys jasalady. Bul jaǵdaı balanyń álternatıvti jáne pozıtıvti oılaý qabiletin damytady.

Tárbıelik maǵynada bala men úlken adam arasyndaǵy jaǵymsyzdyqty jeńip shyǵýǵa múmkindik beretin baılanystyrýshy retinde áser etedi. Ertegi epızodtaryn oınaý - balaǵa basqa kisige aınalýǵa, keıipkerdiń kóńil - kúıin sezinýge, óz emosıalaryn bildirýdi jetildirýge múmkindik berý. Qoıylymdy oınaýǵa tek balalar qatyspaı, qýyrshaqtardy qoldanyp oınaýǵa bolady. Ertegini taldaýda balalar estigenin jáne oqyǵanyn tereń ózgerte alady. «Ertegi ne týraly? Qaı keıipker bárinen de qatty unady, nege?»degen sıaqty suraqtarǵa baılanysty talqylaý áńgimeleýge ıtermeleýi tıis. Áńgimeleý - balaǵa tanys ertegini birinshi nemese úshinshi jaqtan nemese tipti ol sol erteginiń keıipkeri bolmasa da basqa kisiniń atynan áńgimeleýdi usynýǵa bolady. Mundaı tásil elestetý men beıneleý qabiletin damytady, bala ózin basqa adamnyń ornyna qoıa alady, ishinen ashylady da ózine nazar aýdarady.