InfoHub Logo

"Oı júırik" matematıkalyq saıys
(5 - synyptar arasynda matematıkalyq saıys)

«Oı júırik» matematıkalyq oıyny.
Maqsaty: Bilimdilik: Oqýshylardyń oılaý qabiletin, oı ushqyrlyǵyn, oqýǵa yntasyn arttyrý;
Damytýshylyq: uıymdastyrýshylyq qabiletin damytý;
Tárbıelik: oqýshylardy uıymshyldyqqa, naqty pánge qyzyǵýshylyqqa, jaýapkershilikke, ózin - ózi tárbıeleýge tárbıeleý;
Kórnekiligi: ınter taqta, kartochkalyq tapsyrmalar, logıkalyq esepter, ár topqa daıarlanǵan ústel.
Túri: topqa saıys saǵaty
Tıpi: oıyn túrinde

Matematıkalyq saıystyń barysy:
İ: Hosh keldińizder, qadirli ustazdar, ádilqazylar jáne oqýshylar!
İİ: Qymbatty bilim súıgish jas dostar! Orys ǵalymy M. Lomonosov «Aqyl - oıdy tártipke keltiretin – matematıka, sondyqtan da ony oqý kerek,»- degen. Olaı bolsa, búgin sender qyzyqty, matematıkanyń jumbaqty da, tartymdy álemimen tanysasyńdar. Sender bul álemniń qanshalyqty qyzyqty, ári san túrli ekendigine kóz jetkizesińder.

İ: Saıysta senderge ár túrli qyzyqty suraqtar men tapsyrmalar usynylady. Saıysta jeńý úshin sender belsendilik tanytyp, berilgen suraqtarǵa ózgelerden tezirek oılanyp, jaýap berýleriń kerek jáne tapsyrmalardy durys oryndaýlaryń qajet.

İİ: Matematıkalyq saıys - bul eńbek. Sondyqtan saıys kezinde óte uqypty, oılaryń jınaqtalǵan bolý kerek jáne tártip saqtalǵany jón.
Endi búgingi saıysymyzdyń josparymen tanysyńdar:

Jospary:
1. Toptyń ózin tanystyrý, amandasý rásimi;
2. Tapqyrlyq saıysy;
3. Biliktilik saıysy;
4. Kapıtandar saıysy;
5. Jankúıerler saıysy
6. Oıymdy jalǵastyr;
7. Sóz jumbaq saıysy;
8. «Qas qaǵam sát» saıysy.
Qoldanylǵan naqyl sózder:
1. Arıfmetıka matematıkanyń, al matematıka ǵylymdardyń patshasy.
( K. Gaýss)
2. Aqyl – oıdy tártipke keltirgen matematıka.
(M. V. Lomonosov)
3. Matematıka – barlyq ǵylymdardyń tuńǵyshy jáne olarǵa paıdaly da, qajet te.
( R. Bekon)
Júrgizýshi:
Oınaıyq, oınaıyq ta oınaıyq!
Qatardan atta qalyp qoımaıyq,
Belsendi bolaıyq ortada
Ýaqytty tekten – tekke joımaıyq.
Oınaıyq, oınaıyq ta oınaıyq!
Bilimdilik kórseteıik, synaıyq.
Jeńseń de, jeńbeseń de, renishsiz bolaıyq,
Qaımyqpaı kóńildi bolyp taraıyq!
Qaıyrly kún qadirli kórermender! Barshańyzǵa «Oı júırik» oıynyna qosh keldińizder! (Búgingi oıyn toptyq saıys túrinde ótedi. Ortaǵa «Oıshyldar», «Bilgirler» toptaryn shaqyramyz. Toptar ornalasyp bolǵansha, mýzyka qoıylady.)

Bastalyq aqyl – oıdyń dara keshin,
Halaıyq sender bizdi jaqyn kelshi,
Matematıka ǵylymyna umtylǵandar,
Sen eger kim ekenin bilgiń kelse.
Bileımin dep qysylma,
Talabyń bolsa boıyńda.
Ónerliniń yrysy,
Jarqyrap jatyr jolynda.
Matematıka syrlary,
Qyzyqtyrdy bizderdi.
Oıynǵa birge qatysýǵa
Shaqyramyz sizderdi,
- deı otyryp saıyskerlerimizdiń bilim men ónerine baǵa beretin ádilqazylar alqasyn ortaǵa shaqyramyz.