InfoHub Logo

Balalar men jumys jasaý - úlken baqyt. Balalar elimizdiń bolashaǵy. Ómirde balanyń baldaı tátti kúlkisinen, qýanysh shattyǵynan asqan baqyt joq. Soǵan oraı qazirgi tańda halyqaralyq qatynastardyń kúsheıýine baılanysty qoǵam tarapynan aǵylshyn tilin erte jastan oqytýǵa degen qyzyǵýshylyq arta tústi. Mektepke deıingi jas aǵylshyn tilin oqytýǵa óte qolaıly kezeń, sebebi bul jastaǵy balalar tildik qubylysty qabyldaý qabilettiligimen erekshelenedi. Olar berilgen shaǵyn materıaldy lezde meńgerip alyp, ony tez jaqsy keri aıtyp bere alady. Mektepke deıingi jastaǵy balalarǵa aǵylshyn tilin úıretý barysynda oıyn arqyly olardyń qyzyǵýshylyqtaryn oıata otyryp, aýyzsha sóıleýdiń alǵashqy daǵdylaryn qalyptastyramyz. Sondaı - aq oıyn arqyly balalar ońaı qarym - qatynasqa túsip, oılaryn aıta alady. Oqytý ádisiniń taǵy bir basty ereksheligine suraq - jaýap ádisi qoldanylady, sebebi dıalog balalardy qarapaıym aýyzsha sóıleýge úıretip qana qoımaı, sonymen qatar, tyńdaı otyryp uǵynýyna jáne óz oıyn jetkize bilýge úıretedi. Balalardy alǵashqy oqytý satysynda sózdi jattaý, tildik úlgidegi uǵymdy túsindirý, óleń jáne t. b qoldanylady. Erte kezden tildi meńgertý bolashaqta tildi tez ıgerýge kómektesedi. Balabaqshadaǵy balalarǵa aǵylshyn tilinde jańa sózderdi úıretken kezde ashyq, túrli - tústi kórnekilik taptyrmas kómekshi bolady. Bala bir sýretti qaıtalap kóre berýden jalyǵady, sondyqtan kórnekilikterdi tez aýystyryp turýdyń da mańyzy zor. «№29 Baldáýren» bóbekjaı balabaqshasynda búldirshinderimiz úsh tildi meńgerýde. Balalar álemine kóz júgirtsek, eshqashan mamandyǵymdy ózgertkim kelmeıdi. Sebebi bala pák, bala tap - taza móldir bulaqtyń bastaýy sıaqty. Sondyqtan bala júregine jylylyq uıalatyp, qabileti men darynyń ashý ár ustazdyń aldyna qoıylǵan eń basty mindeti dep túsinemin.

Satbaev qalasy
№29 «Baldáýren» bóbekjaı balabaqshasy KMQK
Aǵylshyn pán muǵalimi Ýtepbaeva Gýldana Omırgalıevna