InfoHub Logo

Adamnyń sanasynda máńgilik óshpesteı estelik qaldyratyn, eń keremet, eń ǵajap umytylmastaı sátter syılaıtyn ol – balalyq shaǵymyz. Balalyq shaq – bir ret ǵana keletin, qaıta oralmaıtyn, saǵyna eske alatyn ǵajaıyp álem ispettes.

Qazirgi tańda 17 jastan astym. Osy 17 jyl ishinde qýanyshta, qaıǵyda, maqtaýlar men dattaýlar, ósek pen madaqtaýlar, jeńis pen jeńilis te kórdik. Óse kele qıyndyqtar men kedergilerde kóbeıe beretini anyq. Keıde sharshap - shaldyǵyp, barlyq nárseden jalyǵyp, ońasha qalyp oılanyp otyryp, balalyq shaǵymdy eske alamyn. Bir qyzyǵy qazirgi kezde oryn alyp jatyrǵan jaıttardyń barlyǵyn balalyq shaǵymmen salystyra qarasam múldem bólek. Qazirgi kezde dos - dosyna shynaıy sóılep, shynaıy sezim bildirip, shynaıy bet - beınesin kórsetpeıdi. Qyzǵanshaqtyq, kórealmaýshylyq degen uǵym óte kóp qalyptasqan. Dosyna qol ushyn sozyp kómek bermeıdi. Tek ýaqytsha ǵana dostasady. Aıta berseń kemshilik kóp. Al balalyq shaǵymyzda she? Ol kezde jasandylyq degen sezim bolmaıtyn - mys. Tek shynaıy sezim, shynaıy kúlki, shynaıy mahabbat, shynaıy dostyq barlyq nárse de perishte júrekpen, shynaıy kóńilden jasalynatyn. Sol sátke bir sát toqtalyp, ýaqytty qıalymyzben artqa aınaldyryp balalyq shaǵymyzǵa bir sát oralsaq.

Eh, qaıta oralmas balalyq shaǵym - aı… Uıqyń qanbasada, qansha jerden uıqyń kelip tursada, sony oıynǵa aıyrbastap tań atpaı turyp, anań bergen bir kese ystyq sútti simire salyp, dalaǵa shyǵyp dostaryńdy izdep úıine barý. Oıynda eshteńe joq, eshnársemen sharýasy joq, eshnársege bas aýyrtpaıtyn, ýaıym - qaıǵysyz balalyq shaq. Tańerteń erte turyp oıyn qýyp úıden ketip, kesh bata oıynnan sharshap kelip es bilmeı uıyqtaý. Kelesi kún taǵy da solaı asyr salyp esh qamsyz oınaý. Birge dop teýip, balshyq qumnan úı salyp, birge qyrylyp, tóbelesip, qaıtadan tatýlasatyn dostarym. Balyq aýlaı almasaq ta qolymyzǵa qarmaq alyp otyratyn kezderim. Kesh bata joldastarymmen úı qasynda otyryp ótirik áńgime aıtyp, ne aıtyp otyrǵanymyzdy bilmesekte, shynaıy kúle bilý. Jaz shyqpaı - aq jınalyp alyp kanal jaǵalap, júze almaıtyn bolsaq ta, qansha márte sýǵa batyp ketip jatsaq ta, sýǵa shomylyp asyr salý. Aıta berseń qyzyq kóp.

Keıde bir sát meıli bir mınýtqa bolsyn sol qaıta kelmeske ketken balalyq shaǵyma oralǵym keledi. Biraq, átteń ol nárse múmkin emes. Kishkentaıymyzda tezdetip eresek jasqa tolyp, úlken azamat bolyp, myna balalyq shaqtan qutylsaq, tez erjetsek dep armandaıtynbyz. Biraq qazir sol balalaq shaǵymyz bir mezet bolsyn oralsa, sol sátte jibergen qateligimdi jóndesem eken, taǵy bir márte asyr salyp oınap, balalyq shaǵyma bir saıahat jasasam eken, degen tek bos oryndalmas arman qıal ǵana. Jáne oǵan tek oısha ǵana sapar shegip qaıtamyz.

Qarakesek Beıbarys Joldasuly
Qyzylorda oblysy, Qazaly aýdany,
Áıteke bı kenti, №266 mektep - lıseıiniń
11″v” synyp oqýshysy