InfoHub Logo

Bala  tárbıesinde  — otbasy eń úlken myqty tárbıe oshaǵy. Balanyń adamdyq qasıetteri  men ádeptiligi, onyń bolashaqta qandaı adam bolýy  ózi týylǵan otbasynda alǵan tálim-tárbıesi men ondaǵy qarym-qatynasqa baılanysty. Óıtkeni, ata-ana — basty ustaz. Balanyń zamanyna laıyq azamat bolyp ósýi – aldymen ananyń aq súti men abzal tárbıesiniń jemisi.

Tárbıe máselesiniń qanshalyqty mańyzdy ekenin Abdýlla Avlonııdiń tárbıege baılanysty aıtqan: “Tárbıe – biz úshin ne ómir, ne ólim, ne qutylý, ne baqyt, ne qaıǵy máselesi”, —  sózinen belgili. Sondyqtan, tárbıeni 4 negizgi satyǵa bólip kórsetýdi jón sanadyq.

Birinshi kezeń: bes jasqa deıingi kezeń.

Bes jasqa deıin belsendilik, tanymdyq jáne ómirge qyzyǵýshylyq sekildi qasıetter ornyǵady. Tyıym salyp, jazǵyrýdan góri, bul kezeńde balany aldaýsyratý kerek. Balaǵa jaza berýdiń birden bir sebebi – olardyń esesin qaıtara almaýynda jatyr. Eger sábıińiz qaýipti bir nárse jasar bolsa, qoryqqan keıip jasap, qoryqqan daýys shyǵaryńyz. Bala ol tildi óte jaqsy túsinedi. Balany bes jasqa deıin basyp tastar bolsaq, onda biz balanyń belsendiligin, ómirge degen qyzyǵýshylyǵyn, ıntelllektin jáne ımýnıtetin de basyp alamyz. Balańyzdy ýaıymsyz boıusynýǵa úıretińiz.

Ekinshi kezeń: bes jastan on jas aralyǵy.

Bes jastan on jas aralyǵy – baǵyný men ómir zańdaryn úırený kezeńi. Bul kezeńde balanyń aqyl- parasaty men logıkasy belsendi túrde damıdy. Bala aınalasyndaǵy adamdardyń onyń jasaǵan isterine qalaı qaraıtynyn saralaıtyn kezeńde jáne jaǵymsyz kózqarasty meılinshe baıqamaýy kerek. Bul kezde balany bilim alý, tapsyrma berý jáne olardy talap etýden qoryqpańyz. Eger bes jastan keıin de balany erkelete berer bolsańyz, balańyz ushqalaq, jumysqa qabiletsiz ári rýhanı jutań bolyp ósedi.

Úshinshi kezeń: on jas pen on bes jas aralyǵy.

On jastan soń balańyzben ár máselede keńesińiz. Ózdiginen sheshim qabyldaýǵa múmkindik berińiz. Eger onyń sheshimi unamasa, tikeleı tyıymnan góri, onyń sońynyń jaqsy bolmaıtynyn aıtyp túsindirińiz. Bul kezde derbestik pen sananyń táýelsizdigi damıdy. Balaǵa kishkentaı sábı sekildi qarar bolsańyz, bala ómirge tóselmegen bolyp ketedi, ózge joldastarynyń qasynda táýeldi bolyp qalady.

Sońǵy kezeń: on bes jastan keıingi kezeń.

On bes jastan soń – syılastyqpen qarym- qatynas jasańyz. Balany bul shaqta tárbıeleý- kesh. Bul kezde siz óz eńbegińizdiń jemisin ǵana kóre alasyz.

---