InfoHub Logo

Eger sizdiń aqshańyzdy bank alaıaqtar áreketine baılanysty buǵattap tastasa, ony qaıtarýdyń joldary bar. Qazaqstan Respýblıkasynyń Ulttyq banki bul máseleniń egjeı-tegjeıin túsindirdi.

Bul týraly Infohub.kz aqparat agenttigi habarlaıdy.

Aqshany qaıtarý joldary

Eger sizdiń tranzaksıańyz kezinde úshinshi tulǵalardyń kúmándi áreketterine baılanysty aqsha buǵattalsa, dereý quqyq qorǵaý organdaryna júginý qajet. Olar bankke atalǵan tranzaksıanyń alaıaqtyq ekenin jáne buǵattalǵan somany klıentke qaıtarý qajettigi týraly habarlama jiberýge mindetti. Mundaı habarlamany prokýratýra sanksıalaıdy.

«Osylaısha, aqshany qaıtarýdyń negizi – qylmystyq qýdalaý organynyń prokýrormen sanksıalanǵan habarlamasy bolyp tabylady. Sol sebepti alaıaqtyqtan zardap shekkender quqyq qorǵaý organdaryna barýy tıis», - dep naqtylady Ulttyq bank.

Antıfrod-ortalyǵynyń róli

Ulttyq banktiń Antıfrod-ortalyǵyna 2024 jylǵy 22 shildede platforma iske qosylǵannan keıin bolǵan alaıaqtyq belgileri bar tranzaksıalar tirkeledi. Bul kezeńde zardap shekken barlyq azamattar aqshasyn qaıtaryp alýǵa tyrysa alady.

Antıfrod-ortalyǵy – bul qarjylyq alaıaqtyqpen naqty ýaqyt rejıminde kúresetin biryńǵaı tehnologıalyq platforma. Onyń basty maqsaty – urlanǵan aqshany qylmyskerler ony qolma-qol aqshaǵa aınaldyrmas buryn toqtatý úshin, qarjy naryǵynyń barlyq qatysýshylary arasynda derekterdi jyldam almasý.

Aqsha qansha ýaqytta qaıtarylady?

Ulttyq banktiń málimetinshe, benefısıar-bank qylmystyq qýdalaý organynan alaıaqtyq tranzaksıa týraly habarlama alǵan kúnnen keıingi kelesi operasıalyq kúnnen keshiktirmeı aqshany qaıtarady. Ótinish berýshige tek buǵattalǵan soma sheginde ǵana aqsha qaıtarylýy múmkin. Qaıtarý tólem orderi jáne tólem tapsyrmasy arqyly resimdeledi.

«Eger alýshylardyń shotynda buǵattaý sátinde aqsha bolmasa, zalal sot arqyly óteledi», - dep qosty Ulttyq bank.

Eger qarjy uıymdary alaıaqtyq belgileri bar tranzaksıalar kezinde buǵattalǵan aqshany qaıtarý boıynsha zańnamalyq talaptardy oryndamasa, Qarjy naryǵyn retteý jáne damytý agenttigi olarǵa qatysty qadaǵalaý sharalaryn qoldanýǵa quqyly.