Bankter arasynda telefon nómiri arqyly aýdarymdar 2025 maýsymynda iske qosylady
Bankter arasynda telefon nómiri arqyly aýdarymdar 2025 maýsymynda iske qosylady,-dep jazady Infohab tilshisi.
2025 jyldyń maýsym aıynda Qazaqstanda telefon nómiri arqyly bankaralyq aýdarymdar júıesi iske qosylady. Bul týraly Ulttyq bank tóraǵasynyń orynbasary Berik Sholpanqulov sıfrlyq qarjy ınfraqurylymyna arnalǵan brıfıń barysynda habarlady.
Onyń aıtýynsha, bankterge mobıldi tólemderdiń bankaralyq júıesine qosylý mindetti bolmaq. Bul azamattarǵa ártúrli bankter arasyndaǵy QR tólemder men mobıldi aýdarym servısterin bir nómir arqyly paıdalanýǵa múmkindik beredi.
– Biz qarjy qyzmetteriniń qoljetimdiligi men tutynýshylardyń quqyqtaryn qorǵaý, sondaı-aq qarjy sektorynyń derbestigin arttyrý maqsatynda jumys istep jatyrmyz, – dedi Sholpanqulov.
Ulttyq bank tóraǵasynyń keńesshisi Bınur Jálenov alǵashqy kezeńde bes bank klıentteri úshin bul qyzmet qoljetimdi bolatynyn naqtylady.
Júıe Ulttyq sıfrlyq qarjylyq ınfraqurylym aıasynda júzege asyrylyp jatyr. Oǵan Ulttyq tólem júıesi, Alaıaqtyq tranzaksıalarǵa qarsy ortalyq, Qashyqtan bıometrıalyq sáıkestendirý, Ashyq bankıng jáne Sıfrlyq teńge platformasy kiredi.
You Might Also Like
-
Ýkraına prezıdenti Vladımır Zelenskıı Ankarada ótetin mańyzdy kezdesý aldynda Reseı basshysy Vladımır Pýtınge úndeý jasady. Ol óz málimdemesinde tikeleı kelissózge daıyn ekenin, biraq Pýtınniń betpe...
-
Ýkraına prezıdenti Vladımır Zelenskıı Ystambulda ótetin kelissózderge qatysýdan bas tartty. Onyń aıtýynsha, bul sheshimdi Reseı prezıdenti Vladımır Pýtın kezdesýge kelmegeni úshin qabyldaǵan.
