Bıshimbaev Saltanatty qalaı qınap óltirse, Aqnárdi de solaı qınaǵan – Merýert Túsipbaeva
Ánshi Merýert Túsipbaeva Almatyda qaıtys bolǵan Aqnár Hamıttiń ólimine qatysty málimdeme jasap, bul oqıǵa sýısıd emes, qasaqana jasalǵan qylmys dep esepteıtinin jetkizdi. Onyń aıtýynsha, 21 jastaǵy KIMEP stýdenti Aqnárdi ózimen birge júrgen qurbylary birneshe aı boıy uryp-soǵyp, aqyry jetinshi qabattan ıterip jibergen.
– Bul fotoda turǵan qyzymyzdy ózimen birge júrgen qyzdar 8-9 aı boıy qorlap, tonap, soqqyǵa jyqqan. Aqyry jetinshi qabattan ıterip jibergen. Al qylmystyq is "sýısıd" dep tirkelgen, – dep jazdy ol.
Ánshi kúdiktilerdiń biri 24 jasta, ózgeleri 20-da ekenin aıtty. Onyń pikirinshe, ata-analar qyzdarynyń kimmen aralasyp júrgenin únemi qadaǵalap otyrýy qajet.
– Bıshimbaev Saltanatty qalaı qınap óltirse, Aqnárdi de qurbylary solaı azaptaǵan. Ashyq sotty talap etemiz! Halyq olardyń bet-júzin kórýi kerek! – dep málimdedi ol.
Aqnárdiń anasy da istiń ádil tergelýin surap, ádildik izdep júr.
You Might Also Like
-
Qazaqstandyq MMA sportshysy Bekzat Almahan (12-2) álemdegi eń myqty lıga sanalatyn UFC-de ekinshi jekpe-jegin ótkizdi. UFC 315 týrnıri aıasynda (Monreal, Kanada) ol promoýshendegi alǵashqy jeńisine qol...
-
Tuńǵysh prezıdent Nursultan Nazarbaevtyń jubaıy Sara Alpysqyzynyń qazasy týraly aqparatty baspasóz hatshysy Aıdos Úkibaı resmı túrde joqqa shyǵarǵanymen, keıbir aqparat quraldary bul málimetti joqqa sh...
