InfoHub Logo

Baqyt degen...
Baqyttyń naqty teorıasy joq. Bolǵanda emes, bolmaıdy da! Sebebi baqytty árkim ózinshe baǵalaıdy. Bireýlerge baqyt - densaýlyq, bireýlerge - mansap, bireýlerge - aqsha, bireýlerge - otbasy. Al keıbireýler úshin ómirdiń ózi baqyt. Áıteýir árkimniń óz túsinigi bar.
Meniń oıymsha mansap, aqsha, materıaldyq baılyq eshqashan baqyt bola almaıdy. Múmkin bireýler úshin baqyt shyǵar. Biraq bul tánniń qalaýy. Al shyn baqyt jannyń qalaýyn qanaǵattandyrsa kerek!
Baqyttyń baǵasy baılyqpen ólshenbese eken! Sebebi aqshanyń artynan qýyp adasqandar qanshama. Iaǵnı aqsha baqytqa bastar jol emes, kerisinshe qaıǵyǵa ákep soqtyratyn qara jol!
Bizdiń janymyz meıirimdilik pen mahabbatty qalaıdy. Al biz meıirimdilik pen mahabbatty ata - anamyzdyń súıispenshiligimen otbasymyzdaǵy jylýlyq arqyly sezinemiz. Demek, shyn baqyt ol bizdiń ata - anamyz, otbasymyz.
Bizdiń janymyz izgilik pen izettilikti jaqsy kóredi. Biz izgi ister jasaý arqyly bireýlerdi qýanta alsaq, bizdiń jan dúnıemiz eki ese qýanary sózsiz. Iaǵnı, jaqsylyqty jasaı alýdyń ózi baqyt!
Jalpy baqyt bizdiń bolashaǵymyz, armanymyz, árbir kúnimiz, ata-anamyz, otbasymyz, ómirimiz.
Aıta bersek baqytqa barlyǵyn syıdyrýǵa bolady. Biraq bir sóılemmen qorytyndylasam baqyt Muqaǵalı Maqataev atamyz aıtqandaı baqytsyz - aq baqytty bop júrgenimiz!!!

---