Baqyt Sársekbaev (boks)
Baqyt Sársekbaev — 69 kılogramm salmaqtaǵy bokstan XXIX jazǵy Beıjiń olımpıadalyq oıyndarynyń chempıony. Ol 1981 jyly Soltústik Qazaqstan oblysynda týylǵan. Bokspen 12 jasynan bastap Ózbekstanda turǵan kezinen aınalysqan.
2004 jyly Ózbekstannan ata qonysyna kóship kelgen Baqyt Qazaqstanda 69 kılogramm salmaqta ózine teń keler boksshy joq ekenin dáleldep berdi. Beıjiń Olımpıadasy oıyndaryn óte joǵary deńgeıde ótkizdi. Alǵashqy jekpe-jekte Kanada boksshysyn tas-talqan etip utty. Odan keıin moldovalyq boksshyny da tize búktirdi. Shırek fınalda Sársekbaev óziniń ejelgi qarsylasy ózbekstandyq Dılshod Mahmýdovty jeńdi. Jartylaı fınalda kezdesken káris boksshysy da Baqyttyń basymdyǵyn moıyndady. Aqtyq aıqasta búkil Kýba halqynyń úmit artqan boksshysy Karlos Sýaresti oınap júrip utty.
Baqyttyń buǵan deıin de talaı jarysta baǵy janǵanyn jankúıerler jaqsy biledi. Azıa qurlyǵynda eki dúrkin chempıon atanǵan Baqyt 2007 jyly Chıkagoda ótken Álem birinshiliginde besinshi orynǵa taban tiregen-di. 2006 jyly Dohada jalaýy kóterilgen Azıa oıyndarynda boksshylarymyzdyń jeńip alǵany jalǵyz altyn medal bolsa, sol jalǵyz altynnyń ıesi de osy Baqyt Sársekbaev edi.
Baqyt Sársekbaev — Qazaqstannyń eńbegi sińgen sport sheberi, I dárejeli «Barys» ordeniniń ıegeri.
You Might Also Like
-
Beket ata 1750 jyly Jem ózeni boıyndaǵy Aqmeshit degen jerde týylǵan. Ol qasıetti darynymen elden erekshe bolǵan. Taýdy qashap jer asty meshitin salǵan. El arasynda aqyl-parasatymen, ımandylyǵymen, ádi...
-
Baıbarys (Beıbarys) sultan (1217/18 - 1277 jj.) — Mysyr elinde 17 jyldan asa sultandyq qurǵan ámirshisi ári áıgili mámlúkterdiń qolbasshysy. Ol Batys Qazaqstan qypshaqtarynan shyqqan. Mońǵol shapq...
