Áýeli, Qudaı, sen ońda,
Sen ońdasań, biz munda!
Tilegep tilek jáne ber,
Qas bedeýge bala ber!
Jaqsy Qudaı, jaı Qudaı,
Myrza Qudaı, baı Qudaı!
Áýeli Qudaıym Kók jasaǵan,
Sonan keıin Jer jasaǵan!
Syıynaıyn, birinshi, Qudaı,
Ekinshi, syıynamyn , Muhammed!
Birińe biz qul boldyq,
Birińe úmbet boldyq.
Úshinshi - tórt jar ,
Tórtinshi - seksen segiz mashaıyq.
Júz jıyrma tórt paıǵambar,
Mekkedegi áýlıe,
Medıpedegi áýlıe,
Han Shyńǵysta áýlıe
Qyzyltaýdyń basynda - Qyz áýlıe,
Baıanaýlasynda - Qońyr áýlıe,
Ógiztaýdyń basynda - Ógiz áýlıe,
Qoshqartaýdyń basynda - Qoshqar áýlıe!
Taýdaǵyl bulannyń,
İshten shyqqan aıdahar jylannyń
Óli desem, óli emes,
Tiri desem, tiri emes,
Atasy - Qorqyt áýlıe!
Ýaq atasy - er Kókshe:
Erliginiń belgisi -
Sadaǵyna kelgen - san kisi,
Myltyǵyna kelgen-myń kisi!
Sary, Baıan, Sarsha, Óteýli!
Úsh júz ósken at -
Báıgege qosqan Kórnebaı,
Arǵyn atasy -Qaraqoja,
Handa - Abylaı, qarada - Qazybek,
Jalań aıaq - Ǵazız,
Dıýana pirim ,
Tertýylda - Toraıǵyr,
Naǵashysy - Turdybek.
Ózimniń naǵashy atam-
Jaǵalbaıly: Túnqat,
Qarakereı Qabanbaı,
Qaz daýysty Qazybek,
Qarakereı: Murynda Qandybaı,
Shaqshaq uly Jánibek,
Tobyqtyda - Qunanbaı,
İshindegi - Doǵalbaı.
Óte shyqty Qunanbaı zamanynda
Tazdyń arǵy atasy - Shoıynqara.
Qara, sary Qondybaı -
Áýlıe qasıetti ótken.
Teristańbaly - arǵy atasy - Kentbuǵa.
Óte shyqty ishinde - Amanqup baqsy,
Básentiniń arǵy atasy - Barlybaı,
İshinde - Tasybaı:
Turlybek - dýanbasy .
Áýeli Qudaı jyn jasaǵan,
Birinen - birin mol jasaǵan.
Jynnyń arǵy atasy - Kentbuǵa,
Jyn atasy - sary Abyz
Jyn atasy - sary Azban,
Áýre qylma sen, Azban!
Jyn atasy - Berdibaı,
Jyn urany: «Ekeý-ekeý!»
Aspandaǵy meniń bes pirim,
Qyryq pyshaq saldyrǵan.
Qyryq ıne maǵan túrtip,
Tóbeme aıdar qoıdyrǵan.
Jynǵa moıyn qoıdyryp,
Kónbegenge kóndirgen,
Qý aǵashqa tóndirgen.
Aqsaqaldydan bata aldyrǵan,
Aqsarbas qoıdy soıdyrǵan!
Bes bala-bes asaý taı úıge kirgizgen,
Eregisken jerge dert salǵan,
Jyn bolyp baılanǵan,
Kezbe bolyp aınalǵan!
Oıdan kelgen on qoja,
Qyrdan kelgen qyryq qoja,
Ol qojanyń ishinde -
Ázireti qoja:
Jeti elikke jal bergen,
Jamaǵat jandy teń kórgen,
Belsizge bel bergen,
Perzentin teń bergen!
Oń qolymdy oraımyn,
Sol qolymdy suraımyn,
Shejirege basyn súıegen,
Kúnge shashyn taraǵan,
Ata qadirin bilmegen,
Ana sútin embegen,
Jelden jeti qoıan aıdaǵan,
Duǵamenen baılaǵan,
Jeti ketpen, shot basqandaı boldym,
Jeti qazanǵa túskendeı boldym!
On eki aq boz at,
Oınaǵandaı kún qaıda?!
Jyn shaqyrdym qan bardan,
Qıada jatqan jandardan!
Temir janǵa sálem-de:
Habar ber: aýyr qol jısyn,
Temirden ton tiksin!
Oıdan kelgen on bóri,
Sol bóriniń ishinde
Alty aýyzdy kók bóri -
Kók jendet kelinde, baı elinde!
Jumabaıdyń balasy,
Keser keýde kek qaban,
Jyn ishinde sen jaman!
Mańdaı terisi qurysyp,
Jyn bitkenmen uryssyp,
Jórgegimde jabysyp,
On bir jasta tabysyp,
Qarakereı - Murynnan kelgen,
Jıennen týǵan jıen bar.
Toǵyz uldyń kenjesi -
Myrzabaı - Qabyl.
Sarala qamqa ton kıgen,
Sary arǵymaq at mingen,
Qylyshyn qynaǵa qynaǵan,
Kóldiń, bil, bu jolda
Qysań qatynnyń aǵasy
Qara alyp jatqan shańyraq basynda.
Tuqymy joq kisideı,
Tobyqtydan keldi:
Qarajigit-Kúlihan,
Altaıdan kelgen altaýym,
Shabdar atty kemeńger.
Elden kelgen - ekeýim ,
Jelden kelgen - jeteýim!
Elden kelgen - Aqádil,
Shandutbastan kelgen Shandyaıaq.
Qaıdan kelgen enteleı,
Báıge atyndaı entelep?!
Kók ala saqal Kózimbet,
Alpys atty, qyryq jaıaý
Myń aı - Júz aı, -
Sen- jarqynym, joldasym!
Joǵaztynnan kelgen tórt atty,
Tómentinnen kelgen bórte atty,
Keıinde aıyl jetpes sary atty!
Adym - adym basqan,
Adymy jerdi kúıdirgen,
Tuıaǵy qumdy sýyrǵan,
Tozań - tozań júgirgen,
Tozańdy jerge sý jarǵan (ırǵan).
Jol, jol jatyr,
Jol jaǵalaı qol jatyr.
Sonsha qoldyń ishinde
Qarabek atty sultan jatyr!
Han Tileýberdi sultanym,
Arǵynǵazy- Sholpanym !
Oıdan kirgen oıpatym,
Qyrdan kelgen bekzatym -
Dáýit paıǵambar, er Dáýit!

---