InfoHub Logo

Týǵan kúnińiz qutty bolsyn!

Qashanda qyzyǵy men qıyndyǵy qatar júretin bul ómirdiń bultarysy kóp, buralań uzaq jolynda tańdaǵan mamandyǵyńyzdyń qyry men syryn sheber meńgerip, búginde Astananyń iri kásiporyn basshysy laýazymynda qaltqysyz qyzmet atqaryp kelesiz. Ózińiz basqaryp otyrǵan kásiporyn ujymy Sizdi úlkenge iltıpatty ini, kishige qamqor aǵa, qatarlastaryna adal dos bola bilgen izgi júrekti azamat, eńbekte bedeldi maman, abyroıly jetekshi, qataldyǵy men ádildigi jarasqan bilikti basshy retinde úlgi tutady. 

Ózińizge qonar baqtyń baıandysyn, biter dáýlettiń kól-kósirligin, keler yrystyń ysyrap bolmaýyn, júrek gúliniń máńgi solmaýyn, shańyraǵyńyzǵa shattyqtyń ornaýyn, Táńirdiń sheksiz qoldaýyn tileımiz! Árqashan osy jigerli, qýatty qalpyńyzdan taımaı,
áli de talaı asýlardan asa berińiz!

*** *** *** ***

Sizdi týǵan kúnińizben shyn júrekten quttyqtaımyz!

Kún sanap kórkeıip, ǵalamdyq órkenıetke qulash urǵan Elordamyz – Nur-Sultannyń qazirgi zamanǵy talabyna kásiptik deńgeıińiz de, mamandyq sheberligińiz de saı bolǵandyqtan, iri mekemeni abyroımen basqaryp kelesiz.

Tynymsyz eńbek etip, naqty ister atqaryp júrgen ózińizdeı bilikti mamandarymyzdyń qatary kóbeıe bersin deı otyryp, osy aıtýly sátte Sizge aq kóńilden aqtarylǵan izgi nıetimizdi joldaımyz. Taýsylmas tózim men sarqylmas sezimdi serik etip, myqty densaýlyqtyń arqasynda otbasyńyz ortasynda baıandy da baqytty ǵumyr keshýdi tileımiz.

*** *** *** ***

Siz kóp jyldan beri ..................... salasynda tynymsyz eńbek etip, osy jolda kóp beles-bıikterden ótken jigerli azamatsyz. Boıyńyzdaǵy eńbekke adal, maqsatqa berik  qasıetterińizdiń arqasynda Siz búginde keń baıtaq elimizdiń bas qalasy – Nur-Sultannyń iri kásiporyndarynyń birin sheber basqaryp kelesiz. Áriptesterińiz Sizdi aqylman basshy, isker uıymdastyrýshy, jarqyn bastamalardyń qoldaýshysy retinde erekshe baǵalap, qurmet tutady.  Búgingideı mereıli sátte Sizge aq nıetpen myqty densaýlyq, qajymas kúsh-qaırat, ortaımas  nesibe-dáýlet tileımiz. Eńbekte tolaǵaı tabystarǵa, maqsatta bıik shyńdarǵa jete berińiz, abyroı-bedelińiz ben tabys-tartýlaryńyz arta bersin. Árdaıym otbasyńyz aman, júzińiz jarqyn, mereıińiz ústem bolsyn!