InfoHub Logo

Ujymym dep báıek bolyp júresiz,
Tatýlyqqa, yrzalyqqa dáıek bolyp júresiz.
Jumysymyz ońǵa bassa, kóterilip kóńilińiz,
Bal-bul jaınap, shattanyp bir kúlesiz!
 
Siz turǵanda qamqorshy dep bilemiz,
Kóshbasshyǵa alańdamaı eremiz.
Analyq ta, danalyq ta boıynda
Basshymyzǵa ózgelerdiń qyzyǵaryn bilemiz.
 
Otbasynda ata-anaǵa kishi qyz da ózińiz,
Ottyń basyn uıytatyn anasy da ózińiz.
Otaǵasy ata, Siz ene bop atanyp,
Qudalardyń ortasynda mereılenip júresiz.
 
Týǵan kúnge qutty bolsyn aıtamyz,
Toıdy toılap shat kóńilmen qaıtamyz.
Jasqa jastyń qosylǵan jaqsy ǵoı,
Tilegimiz qabyl bolsyn aıtamyz!

*** *** *** ***

Qadirli aǵaıyndar! Adamnyń boıyndaǵy izgi qasıetter týraly aıtqanda aıaýly qurbymyz, qadirmendi zamandasymyz oıǵa túsedi. Ol qaı jaǵynan qarasań da alýan qubylyp, ǵajap nur shashyp turatyn asyl almaz sıaqty. Ony biletin, aralasyp júrgen jandar onyń mol adamgershilik qasıetterin aıta alar edi. Jáne sol qasıetterimen aınalasyna adamdardy shamnyń jaryǵy tárizdi tartyp júretini aldymen aýyzǵa túsedi.

Ol eńbekker, jáı eńbekker emes, qaıratker, oqymysty ǵalym, ustaz. Ári osynyń bárine úıdiń de, túzdiń de sharýasyn qatar tyndyryp, úlgerip júrgen qoǵamnyń belsendi qaıratkeri. Kúrdeli jumysymen qatar, ǵylymmen aınalysýǵa da ýaqyt taýyp, kandıdattyq qorǵap aldy. Onyń bilimi joǵary baǵalanyp, únemi basshylyq jumystar tapsyrylyp keledi. Jáne ony abyroımen atqaryp júrgenin bárimiz bilemiz. Osy oraıda onyń basshy ustaz, ǵalym ustaz qasıeti kózge túsedi. Ortasyna syıly. Adamnyń baqyty degen sirá osyndaı eńbekqorlyqtan, sodan alǵan abyroıdan quralatyn bolsa kerek. Adamda arman kóp, taýsylmaıdy, onyń da armany kóp bolar, biraq ol baqyttymyn dep tolyq aıta alady dep oılaımyn.

Bizdiń tilegimiz, tóńiregińe shashqan adamgershilik nuryń ortaımasyn. Qashanda qadirlisiz. Ózińizge de, úlken apamyzǵa da zor densaýlyq, amandyq tileımiz.  

*** *** *** ***

Qazan aıynda 50 jasqa tolǵan basshy apaıǵa

Jer-Ana altyn túske malynǵanda,
Aq qaıyń shyqtan monshaq taǵynǵanda,
Týypsyz baqyt syılap otbasyna,
Tústikke jyl qustary aǵylǵanda!
 
Bastalyp altyn kúzden ómirińiz,
Keledi kir shalmastan kóńilińiz.
Qadirli anańyzdaı ulaǵatty
Sapynan ustaz-basshy kórinińiz!
 
Shyǵatyn asý-shyńdar áli alda,
Máńgilik tirshiliktiń máni barda.
Tolaǵaı tabys-jeńis tileımiz biz
Egemen elimizdiń sáni alda!
 
Ul-qyzyńyz – ol Sizdiń qos qanatyńyz,
Analyq taýsylmasyn taǵatyńyz.
Jarystan ómir degen ozyp kelsin,
Báıgeniń tulparyndaı jaratyńyz!
 
Altyn kúz jyl aınalyp kele bersin,
Beıbit kún, jaqsylyǵy ere kelsin!
…………… …………qyzy, ózińizge
Baqytyn ár jasyńyz bere bersin!