InfoHub Logo

Bastaýysh mekteptiń oqý tárbıe úrdisinde oqýshylardyń jalpy oqý bilikterin qalyptastyrý

Maqsaty - básekege qabiletti maman daıyndaý. Mektep – úıretetin orta, onyń júregi - muǵalim. İzdenimpaz muǵalimniń shyǵarmashylyǵyndaǵy erekshe tus - onyń sabaqty túrlendirip, tulǵanyń júregine jol taba bilýi.

Ustaz degen uly sóz ulaǵatty,
Ol bolmasa, kim beredi parasatty.
Asylyn berip shákirt boılaryna,
Bilim nárin bárimizge sýsyndatty dep aıtqandaı Ustaz atana bilý, ony qadir tutý, qasterleý, aryndaı taza ustaý - ár muǵalimniń boryshy. Ol óz kásibin, óz pánin, barlyq shákirtin, mektebin sheksiz súıetin adam. Ózgermeli qoǵamdaǵy jańa formasıa muǵalimi – pedagogıkalyq quraldardyń barlyǵyn meńgergen, turaqty ózin - ózi jetildirýge talpynǵan, rýhanı damyǵan, tolysqan shyǵarmashyl tulǵa quzyreti. Jańa formasıa muǵalimi tabysy, bilikteri arqyly qalyptasady, damıdy. Naryq jaǵdaıyndaǵy muǵalimge qoıylatyn talaptar: básekege qabilettiligi, bilim berý sapasynyń joǵary bolýy, kásibı sheberligi, ádistemelik jumystaǵy sheberligi.

Osy aıtylǵandardy jınaqtaı kelip, jańa formasıa muǵalimi - refleksıaǵa qabiletti, ózin - ózi júzege asyrýǵa talpynǵan ádisnamalyq, zertteýshilik, dıdaktıkalyq - ádistemelik, áleýmettik tulǵaly, komýnıkatıvtilik, aqparattyq jáne taǵy basqa qudyrettilikterdiń joǵary deńgeıimen sıpattalatyn rýhanı - adamgershilikti, azamattyq jaýapty, belsendi, saýatty, shyǵarmashyl tulǵa.
Nátıjege baǵyttalǵan bilim modeli men basqarýdyń jańa paradıgmasy aıasynda jekelegen uǵymdar men normalardy jáne tıimdi pedagogıkalyq tehnologıalardy meńgerý úshin pedagogtardyń kásibı mádenıetin damytýǵa baǵyttalǵan oqý qajettilikteri týyndap otyr.
Biliktilik arttyrý júıesinde pedagogtardyń oqý qajettilikteri naqty bilimniń mánin túsinýge, sonyń nátıjesinde ózindik is - áreketke enýge jáne jeke ómirindegi tájirıbeni jetildirý maqsattaryna baılanysty qalyptasady. Osy zamanǵy muǵalim oqýǵa úlken potensıaldyq múmkindiktermen keledi.