InfoHub Logo

Synyp saǵaty: Meniń beıimdiligim
Sabaqtyń maqsaty: Oqýshylardy beıimdilik, mamandyq týraly uǵymdarmen tanystyrý, mamandyqtar toby, tańdaý ádisteri týraly bilimderin, túsinikterin keńeıte otyryp, mamandyqtarǵa degen ynta - yqylasyn arttyrý. Kásiptik baǵdar berý. Ózin ózi taný aýmaǵyn keńeıtý, mamandyq áleminen aqparattar berý.
Quraldar: saýalnama nátıjesi, paraqshalar,
Ótilý orny: synyp bólmesi.

Ótilý barysy:
1. Kirispe bólim:
İ - j: Qurmetti 3 synyby oqýshylary. «Meniń beıimdiligim» atty synyp sabaǵymyzǵa hosh keldińizder.
2 j: Mektebimizde qańtar aıynda - kásiptik baǵdar berý aılyǵy ótip jatqandyqtan, búgingi sabaǵymyzda osy taqyryp tóńireginde sóz qozǵalmaq.
1 - J: Beıimdilik, qabilettilik, ıkemdilik sózderi – maǵynasy bir - birine jýyq sózder. Endi osy sózderge ǵylymı turǵyda anyqtama berip ótelik:
Kezekti sózdi oqýshylarǵa berelik:
1 oqýshy: - Beıimdilik – óz qajettiligin qanaǵattandyrý úshin adamnyń naqty bir áreket jasaýy.

2 - oqýshy:- Ikemdilik – adamnyń qandaı da bir nárseni oryndaı bilý qabileti.
Ol túrli dárejede kórinedi. Ikemdilik bilim men tájirıbege negizdelgen. Kimniń bilimi men tájirıbesi kóbirek bolsa, sol adamnyń ıkemdiligi de artyq bolady. Ikemdilik – bilimniń amalǵa aınalýy, sol amaldy júzege asyrýdyń tásili. Ol – adamnyń is - árekettiń belgili túrine (sýret, mýzyka, óner t. b.- ǵa) umtylysynan, yntyqtyǵynan kórinedi. Ikemdilik bolǵan jaǵdaıda áreketke degen zor yntalylyq qana emes, sheberlikti shapshań ıgerý, eleýli nátıjelerge jetý baıqalady. Ikemdilikte adamnyń tabıǵı jáne júre paıda bolatyn qasıetteri somdalyp kórinedi. Ol eńbek prosesinde, tárbıe jaǵdaıynda damyp jetiledi.

3 - Oqýshy: Qabilet adamnan árekettiń bir túrimen aınalysýǵa múmkindik beretin beıimdilikte baıqalady. Beıimdilik pen qabilet kóp jaǵdaılarda birge bolady. Óıtkeni adamnyń bir nársege qabilettiligi onyń beıimdiligine oraı qalyptasady. Beıimdilik — adamnyń belgili bir áreketpen aınalysýǵa bet-burysy, oǵan kóńili aýýy, oıanyp kele jatqan qabilettiń alǵashqy belgisi. Sonymen qatar, beıimdilik árekettiń bir salasyna (sýret, mýzyka t. b.) áýestenýshilikti kórsetedi. Beıimdilikti balada qandaı da bir nyshannyń barlyǵyn habarlaıtyn belgi deýge de bolady.

2. Negizgi bólim:
Qazir myna sózjumbaqty sheship jiberelik:

1. Mynaý meniń bilgenim, Ol - synyptyń anasy,
Óziniń de ózgeniń, Balasy - onyń balasy. Q. Myrzalıevtiń óleńinde kim týraly aıtylady? (muǵalim)
2. Ǵaryshqa ushatyn adam - (ǵaryshker)
3. Aýa raıyn boljaıtyn adam – (meteorolog)
4. Ósken shashty jaratpaıtyn,
Qaıshysy bar jalaqtaıtyn. (Shashtaraz)
5. Bizdiń kıimizdi kimder tigedi? (tiginshi)
6, Adam janynyń arashashysy, aq halatty abzal jandar - (dáriger)
7. adamdarǵa záýlim úıler salyp beredi (qurylysshy)
8. Ushaqty basqaratyn adam (ushqysh)
Myna sózjumbaqta segiz sóz sheshtik, jasyrynǵan 9 - shy sózdi kim tabady?
2 - Júrgizýshi: Al mamandyq degenimiz ne?
4 - Oqýshy: «Mamandyq» oryssha - Professıa - latyn sózinen shyqqan, “professio”- anyqtalǵan is, mamandyq degendi bildiredi.

Mamandyq - qarapaıym ómir súrý kózi bolyp tabylatyn jáne qandaı da bir daıyndyqty, jaýapkershilikti talap etetin eńbek qyzmetiniń mańyzdy bóligi.
5 - Oqýshy: Mamandyq tańdaý - taǵdyryńdy tańdaý degen sóz. Keıingi ómirde ókinbeıtindeı, óz qabileti men beıimdiligine saı kásip túrin tańdaý.. Bul óte jaýapkershilikti jáne mańyzdy is. Mamandyq tańdaýda ár adam óziniń qyzyǵýshylyǵyna, qabiletine, beıimdiligine, qalaýyna súıený kerek.