InfoHub Logo

Toptamadaǵy sabaqtar tizimi:
1. Dopty tor qasynda kótergen soń shabýyl jasaýdy úıretý.
2. Kóńildi estafeta
3. Ulttyq oıyndar

Oqýshylarǵa salaýatty ómir saltyn nasıhattaý.
Ulttyq mádenıetti boıynda qalyptastyrǵan, rýhanı jaǵynan jan - jaqty damyǵan urpaqty tárbıeleý úshin, eń aldymen, onyń densaýlyǵyn saqtaý men nyǵaıtýdy, salaýatty ómir saltyn qalyptastyrýdy oılanǵan jón. Al, ómir salty degen ne?
Ómir salty degenimiz, bul jeke adamnyń tirshilik etýge baǵyttalǵan múmkinshilikterin qarastyrý. Salaýatty ómir saltyn qalyptastyrýǵa myna jaǵdaılar negiz bola alady:
- Dene tárbıesi nemese sportpen shuǵyldaný arqyly organızmdi shynyqtyrý.
- Gıgıenalyq talaptardy saqtaý
- Durys jáne sapaly tamaqtaný
- Zıandy ádetterden aýlaq bolý

Bul másele dene shynyqtyrý páni muǵalimderine zor mindetter júkteıdi. Kez - kelgen ata - ana balalarynyń densaýlyǵy myqty, symbatty, kórikti bolǵanyn qalaıdy. Ýaqytyn tıimdi paıdalanyp, sportpen turaqty shuǵyldanatyn bala densaýlyǵy myqty, sergek, oqýda da únemi alda bolady. Osy rette mekteptegi dene shynyqtyrý páni bala ómirinde mańyzdy ról atqarady. Sondyqtan bizder, dene tárbıesi muǵalimderi mekteptegi árbir oqýshyny sportqa beıimdep, qabiletin damytyp, qyzyǵýshylyǵyn arttyryp, salaýatty ómir saltyn qalyptastyra bilýimiz kerek. Osy mindetterdi oryndaý úshin bizdiń mektebimizde de kóptegen jumystar atqarylyp otyr. Voleıbol, kúres, ústel tenısi, shahmat, doıby, toǵyzqumalaq úıirmeleri nátıjeli jumys isteýde.