InfoHub Logo

Taqyryby: «Bastaýyshym – balbulaǵym!»
Alǵy sóz:
Qosh kelipsizder, qurmetti ata - analar, qymbatty áriptester, súıikti shákirtter!
Búgingi kún - osynda otyrǵan bárimiz úshin erekshe kún. Onyń ereksheligi sol - 4 jyl oqyp, qanatyn qataıtqan balapandarymyz qosh aıtysqaly otyr. Osy qýanyshty da, qımas kúnderińizben shyn júrekten quttyqtaımyn!
Besiktegi balanyń
Kúlgenin kórgen bir murat.
Aldyna túsip ananyń
Júrgenin kórgen bir murat,- degen eken. Sol aıtqandaı muny kórý de bir baqyt dep oılaımyn. Sizderdiń aldaryńyzda turǵan 4 «b» synyp oqýshylary osydan 4 jyl buryn 6 jasar bala bolsa, búgin, mine, es bilip, etek jıǵan shákirt. Bul kúnge jaı jete salmaǵanymyzdy eskersek, búgingi kúni sizderdiń aldaryńyzda rahattana eske alatyn sátterimiz az bolmaǵan shyǵar. Bir sát elesteter bolsaq mektep tabaldyryǵyn alǵash attaǵan kúnnen bastap, «Álippemen qoshtasý», «Naýryz toıy», «Jańa jyl!» t. b tárbıe saǵattary ótti.
- Ata - analar! Balalaryńyzdyń alǵashqy basqyshtan ótken kúni qutty bolsyn! Balalaryńyz tek sizderdi qýanta bersin!
Karına:
Bala shaqqa bolashaqty jyrlatyp,
Shákirtterge oı túzetken symbatty:
Kún nuryndaı sáýle quıǵan kóńilge.
Armysyzdar, ustazdarym qymbatty!
Qýat:
Armysyzdar atalar men analar,
Urpaǵyńbyz kúnde ózińnen bata alar.
El dástúrin máńgi syılap, oqy dep,
Úıretken ǵoı Farabıdeı babalar.
Aıgerim:
Armysyń sen altyn uıa mektebim,
Saǵan aıtar jyr alǵysym kóp meniń.
Júrekterge jaqqan bilim shyraǵyn,
Mektebime arnalady bul ánim.
Hor: «Bastaýysh áni»
Álıa:
Ulylyqty ardaq tutar únemi
Altyn uıa, aq bosaǵa kıeli.
Qanat qaqqan bilim alyp ózińnen
Kúlli shákirt basyn saǵan ıedi.
Samal:
Biz búgin kózimizdi ashyp, kókiregimizdi oıatqan, bilim nárimen sýsyndatyp, ilimniń irgetasyn qalaǵan bastaýysh mektebimizben......
Ulyqbek:
Sondaı - aq, bizdiń ystyǵymyzǵa kúıip sýyǵymyzǵa tońa bilgen, ońymyz ben solymyzdy tanytqan, jaqsydan úırenýge, jamannan jırenýge baýlyǵan alǵashqy ustazymyzben qoshtasqaly otyrmyz.
Kúnsulý:
Aqyryn júrip, anyq bas,
Eńbegiń ketpes dalaǵa.
Ustazdyq etken jalyqpas,
Úıretýden balaǵa,- dep Abaı atamyz aıtqandaı, ustazymyz bilimdilikke, biliktilikke, adaldyqqa, ádildikke kóp nársege baýlydy. Sondyqtan da ustazymyzǵa Myń alǵys!
Hor: «Ustazdy qalaısha qıamyz»
Dýlat:
Ustazym ǵoı álipbıdi úıretken,
Kókeıime kórik berip, gúl ekken.
Meni oqytqan, órkenimdi ósirip,
Jalyndatyp janarymdy nur etken.
Meıirimmen bizge jaıǵan qushaǵyń,
Qýat berdi, kókke samǵap ushamyn.
Ónegeńdi ómirimde úlgi etip,
Armanymdy bir ózińmen qushamyn.
Jangúl:
Shýaǵy mol jaz kúnindeı qabaǵyń,
Tań nuryndaı araıly ǵoı ajaryń.
Jymıyp bir mańdaıymnan sıpasań,
Balbyraıdy bal - bul janyp janarym.
Ulaǵatty ustazymsyń, danamsyń,
Adaldyqqa baýlyǵan sen anamsyń.
Bilgenińdi urpaǵyńmen bólisken
Tulǵań bıik, darhan júrek adamsyń.
Sol úshin de aıaýlysyń adamǵa,
Sanamdy ashyp kún syılaǵan ǵalamǵa.
Eńbegińdi qasterleıdi bar adam,
Ustaz atyń ardaqtalyp ámanda.
Aıan:
Ustazym úırettiń de áripterdi,
Janyma álippeńiz jaryq berdi.
Oqyǵan ózińizden aqyn, ǵalym,
Olardyń úlgili isi - halyq kórki.
Temirlan:
Janyma shýaq quıdyńyz,
Qulpyryp óstim órkendep.
Armandap kelem Abaısha.
Ómirge kirpish bolsam dep.
Jadıger:
Mápelediń, úırettiń,
Ásemdigin jer kóktiń
Sharshadyń qansha shaldyǵyp,
Aıanbaı bizge ter tóktiń.
Dana:
Ustaz joly uly jol,
Ustazym meniń - asqarym.
Bizdermiz jazǵan dastanyń:
Móp móldir bolsyn aspanyń.
Dıana:
Jelbiregen tulymshaǵym,
Ózińde ótti qulyn shaǵym.
Altyn júzdi apataıym,
Sizdi qalaı umytaıyn.
Nursultan:
Ustazym, altyn ustazym,
Estidim, sizden qus sazyn.
Kózimen kórý baqyt qoı,
Qyrannyń túlep ushqanyn.
Hor: «Búldirshinder izbasarlar»
Sandýǵash:
Kúttińiz tańnyń atqanyn,
Kúttińiz kúniń shyqqanyn.
Ózińizge uqsap men de erteń.
Muǵalim bolam, ustazym.
Qanat:
Baqytqa qoldy sermettiń,
Qudiretin kórdim jer - kóktiń
Qınaldym, qansha ter tóktim,
Qadirin sezdim eńbektiń.
Erbolat:
Jyǵylsaq bizdi súıeısiń,
Súrinsek bizdi demeısiń.
Bárimizdi bólmeısiń,
Bizderge baqyt tileısiń.
Karına:
Muǵalimdeı dananyń,
Jattap óstik sabaǵyn.
Qansha eseıip ketsek te,
Esimizde umytylmaı qalasyń.
Qýat:
Júregimde ustaz bergen sabaǵy,
Ón boıyma tamyrlanyp tarady.
Umytpaımyn salǵan jolyn, aqylyn,
- Máńgi, máńgi, máńgi, esimde qalady.
Karına:
Bolmasań da uqsap baq,
Bir ǵalymdy kórseńiz
Ondaı bolmaq qaıda dep,
Aıtpa ǵylym súıseńiz,- dep Abaı atamyz aıtqandaı ata - baba jolyn qýyp, Tóle bı, Qaz daýysty Qazybek bı, Áıteke bı, Abylaı han, Buhar jyraý t. b. qazaqtyń bı - sheshen, handarynyń úlgilerin alyp júrgen oqýshylardy tyńdaıyq.
Dýlat:
- E, jyraýym qazyna kimde?- dep surapty Abylaı.
Nursultan:
- Bizden sóz ketti ǵoı, óziń aıta berseńshi,- deıdi Buhar jyraý.
Dýlat:
- Men aıtsam qazyna baıda, basqa kimde bolýshy edi?- depti Abylaı.
Nursultan:
- E, e, bilmediń -, depti sonda Buhar. Úsh ret jut bolsa, baıda qazyna qalmaıdy. Úsh ret jaý shapsa, handa qazyna qalmaıdy. Qazyna – bilimdiniń basynda,- deıdi Buqar.
Jangúl:
Áz Jánibektiń alpys bıi bolǵan eken. Bir joly han bılerine:
«Dúnıede ne ólmeıdi?»- dep suraq qoıǵanda, alpys bıi bir aýyzdan bylaı depti:
Aǵyn sý ólmeıdi,
Asqar taý ólmeıdi.
Aspanda aı men kún ólmeıdi,
Álemde qara jer ólmeıdi.
Ulyqbek:
Aǵyn sýdyń ólgeni,
Alty aı qysta qatqany.
Asqar taýdyń ólgeni,
Basyn bulttyń japqany.
Aı men kúnniń ólgeni,
Qar astynda jatqany.
Ajal degen atqan oq,
Bir allanyń qaqpany.
Dúnıede ne ólmeıdi?
Jaqsynyń aty ólmeıdi.
Ǵalymnyń haty ólmeıdi.
Qýat:
Shyr kóbelek bıleıtin,
Maqtanýdy súımeıtin
Bıshi deseń qyzdardan,
San buralar tabylar.

Bı: «Áke tolǵaýy»
Kóńildi sabaqtar.
Matematıka sabaǵy.
Bólýdiń jańa túri.
Segizdi ekige bólgende neshe bolady?
- Tiginen bólsek eki 3, ortan bóliginen bólsek eki 0
Qazaq tili:
- Balalar, sózdi tasymaldaǵanda nege jalǵyz áripten turatyn býyndy jeke qaldyryp qoıýǵa bolmaıdy?
- Jalǵyz qalsa qorqady ǵoı.

Erbolat:
Bilim alǵan ózińnen.
Dáriger, ushqysh, ne ǵalym.
Saǵan ystyq sezimmen
Qaraıdy jurt, muǵalim.
Muǵalimderge arnaý:
Dınara apaıǵa:
Muǵalimderdi basqardyń
Jaýapty jumys atqardyń
Bastyq Dınara apaı bop
Sanasynda bizdeı jastardyń
Óner, bilim, izdegen.
Ulanbyz ǵoı biz degen.
Segiz jyldaı álde de
Birge bolsaq sizbenen.
Bı: «Ispan bıi»
Jangúl:
Zýhra apaıǵa:
Talaı bizdiń shyrqalar ánimiz,
Bolmasa án keler me edi sánimiz
Degen bar ǵoı «án kóńildiń ajary»
Júre berińiz mekteptiń bop ajary
Árqashan bola bersin jolyńyz.
Sharshamasyn syrnaı tartqan qolyńyz - dep Zýhra apaıǵa kóp - kóp rahmet aıtamyz.
Án: «Mektep áni»
Áıgerim:
Merýert apaıǵa:
Osy tildi deıdi ǵoı halyqaralyq
Júreıik ana tilmen qatar alyp
Árıne,
Mártebeli qazaq tili
Jaspyz ǵoı úıreneıik ańǵaralyq
Oqýshylar esinen shyǵara ma
Kim eńbek sińirgenin bul arada
Oryssha úıretýden jalyqpaǵan
Apaıymyz Merýert. Bı: «Smýglánka»

Mektep dırektory: Amangeldi aǵaıǵa:
Siz basqarǵan mektebim
Bar balanyń anasy
Kóshti bastap barasyz
Berip ádil baǵasyn.
K. V. N Er balalar.

Kúnsulý: Halıma apaıǵa:
Shynyǵyp keledi denemiz
Álde de damı beremiz
Sportshyl bolyp shyǵarmyz
Rahmet aıtamyz Halıma apaıǵa
Shyn júrekten biz

Bı: «Jastar bıi»
Gúlzıpa apaıǵa:
Sharshamastan sabaq bergen
Bizdi ushyrǵan qanat bergen
Sizdi este saqtaımyz
Senimińizdi aqtaımyz.

Án: Aıan «Analarǵa myń alǵys»
Lenıza apaıǵa:
Bilim bergen sanaly
Umytpaımyz apaıdy
Ulaǵatty ustaz bop
Shyǵa bersin ataǵy.

Bı: «Barbı»
Mektep basshylaryna, ata - analarǵa sóz berý quttyqtaý.