InfoHub Logo

Baı bolam deseńiz tabysty adamdardyń birneshe daǵdysyn úırenip alyńyz. Tabys pen baılyqtyń qupıasyn jasyrǵan daǵdylarmen tanysaıyq.

1. Barlyq problemalaryńyzdy barynsha qysqa merzimde sheshý, keıinge qaldyrmaý, sozbaý, ýshyqtyrmaý. Ádette, problemanyń saldaryn joıýdan góri ony bastapqy kezinde retteýge az kúsh-jiger ketedi. Qatelesetin bolsańyz da sheshim qabyldaýdan qoryqpańyz, bul eshqandaı sheshim qabyldamaǵannan jaqsy. Kóp oılanyp-tolǵanýdan arylyńyz. Bir oı kelse, ol jaıdan-jaı kelgen joq, syltaý izdemeı, múmkinshilik jasańyz. Baı bolý úshin basqalardan kóp eńbek etý kerek, sonda ǵana tabysqa jetesiz.

2. Basqaǵa emes, ózińe jumys isteý. Bireýge qul bolǵyńyz kelmese, óz ıgiligińizge eńbek etińiz. Sonymen birge súıikti ispen aınalysýdy jumys dep ataýǵa bolmaıdy.

3. Qundylyq jasaý. Ár túrli tásildermen qundylyq qalyptastyryp, jınaqtańyz. Sizdi qorshaǵan adamdar úshin ózińizdiń qundylyǵyńyzdy arttyryńyz. Aınaladaǵylar úshin qundy taýarlar ǵana óndirińiz, sonda olar ózderi Sizge qajetti aqshany ákep beredi. Sypaıysynbaı, taýarlaryńyzdyń barlyq qundylyqtary men paıdasyn tolyq sıpattańyz. Ózińdi-óziń maqtamasań, eshkim maqtamaıdy.

4. Qyzyǵýshylyq úshin jumys jasaý. Jumysqa ynta bolmasa, onda mundaı jumys isteýge turmaıdy. Ózińizdiń qyzyǵýshylyǵyńyz, qajetti bilim men daǵdy alý úshin jumys jasańyz. Ózińizge jumys jasańyz.

5. Bıik maqsattar qoıý. Bir aıda 5 myń dollar tabýdy maqsat etińiz. Odan az qoımańyz. Neǵurlym bıik maqsat qoısańyz, soǵurlym tez jetesiz.

6. Til tapqyshtyq. Aqshany basqa kisiler alyp keledi. Olarmen aralasyńyz, olardy qyzyqtyryńyz, sonda olar Sizge aqshalaryn qýana tapsyrady. Túnergen, tuıyq adam bolmańyz, mundaı adamdardyń baı bolýy sırek kezdesedi.

7. Ózińizdi jeńimpazdarmen qorshaý, baılarmen aralasý. Kedeı adamdar tómenge tartady, táýekel etý men paıda tabýdan aınytady, óıtkeni olar ózderi paıda taba almaıdy. Paıda taba alatyndarmen aralasyńyz, olardyń baǵa jetpes tájirıbesin sińirińiz, ol týraly mektep oqýlyqtarynda jazbaıdy. Kedeıler ortasynda baılardy jaqsy kórmeıdi, jek kóredi. Ózińizdi baılar men optımısermen qorshańyz. Olar tabysty jáne baı bolýǵa kómek beredi.

8. Jaýaptylyq alý. Kedeıliktiń serigi – jaýapsyzdyq. Baı bolǵyńyz kelse, ózińizge jaýapkershilik alýdan qoryqpańyz, odan jaltarmańyz, odan paıda tabýdy úırenińiz.

9. Bıznes jasańyz. Eger Sizde aqsha az bolsa, kásip jasańyz. Eger Sizde múldem aqsha joq bolsa, onda dereý, dál qazir bıznes jasańyz! Oı izdeńiz, ony bıznes jobańa aınaldyryńyz jáne ınvestorlardyń nazaryn aýdaryńyz.

10. Pasıvti tabys keltirý jolyn jasaý. Sizdiń qatysýynsyz aqsha alyp keletin pasıvti kiris kózderin jasaý joldaryn izdeńiz. Pasıvti tabys – ol Sizdiń kúsh-jigerińizge qaramastan keletin tabys. Ózińiz tynym tappaı eńbek etetin, barlyq operasıany ózińiz jasaıtyn kásipke bıznesti qurmańyz. Siz úshin Sizdiń jumysyńyzdy jasasyn, al Siz rahattana ómir súrińiz.

11. Investısıalaý. Qarjy salý kerek, biraq onyń kózin bilý qajet. Barlyq artyqshylyǵy men kemshiligin tarazylańyz, barynsha kóp aqparat jınańyz, problemany jete zertteńiz, negizsiz táýekelge jol bermeńiz. Táýekel oryndy bolý kerek, al ınvestısıadan túsken kiris shyǵysty jabý kerek.

12. Baı jáne tabysty adamdardy zertteý. Olardyń ómirbaıandaryn, tabysqa jetý joldaryn, neden bastaǵandaryn, qalaı keńeıgenin zertteńiz. Olar qalaı oılaıtynyn túsinip kórińiz de, solaı oılańyz. Internette álemniń eń baı adamdarynyń ómirbaıandary kóp. Eń quryǵanda, asa kórnektileriniń ómirbaıandarymen tanysyńyz.

13. Ózine suraq qoıý. Mynadaı suraqtar: «Men kimmin?», «Men nege biregeımin?», «Mende 123 456 789 000 dollar bolsa, ne ister edim?». Kelgen pozıtıvti oılardyń kúshi men energıasyn paıdalanyp, olardy áreket etýge, alǵa jyljýǵa baǵyttańyz.

14. Armandaý. Arman – eń kúshti alǵa jyljytýshy. Armandańyz jáne armandaryńyz oryndalatynyna senińiz. Biraq, eshqashan qıaldamańyz. Qıaldar júzege asyrylýyn talap etpeıdi, al armandar talap etedi. Adam armandaýdy doǵarǵanda, damý men alǵa jyljýdy toqtatady.

15. Járdemdesý. Shyn júrekten kómektesińiz. Biraq, ózińiz qalaǵan adamǵa ǵana qol ushyn sozyńyz. Únemi kómek suraıtyndarǵa kómektespeńiz. Ondaı adamdar bótenniń meıirbandyǵyna aramtamaq bolady. Kómek kórsetýdi dostaryńyzben jáne týysqandaryńyzben shektemeńiz. Meıilinshe kóp adamǵa kómek kórsetseńiz, barynsha kóp adam Sizge járdemdesedi.

16. Maqtaý. Komplıment jasańyz, bul Siz aıtqan adamnyń ǵana emes, Sizdiń de ózin-ózi baǵalaýyńyzdy arttyrady. Tabysty adam ózin-ózi joǵary baǵalaıdy.

17. Kúndelik júrgizý. Kelgen barlyq oılardy jazyp júrińiz. İsterińizdi barynsha egjeı-tegjeıli jazyńyz. Kúndeligińizdi aldaǵy bir aıǵa toltyryp qoıyńyz. Bos paraq bolmaý kerek. Sizdiń eshteńe istemeýińiz múmkin emes. Kúndelikke barlyq jetistikterińizdi, tabystaryńyzdy, sátsizdikterińizdi jazyp júrińiz. Olardy jadyńyzdan shyǵarmańyz – bul qundy tájirıbe. Reńish tabystan góri 10 ese jıi eske túsedi. Kóńilińiz bolmaǵan kezde kúndelikti ashyńyz da «Tabys» degen baǵanany oqyńyz.

18. Berilmeý. Eshqashan berilmeńiz, áreket etińiz, bir orynda turmańyz, damyńyz, ortańyzdy damytyńyz. Joqshylyqpen kúresińiz, kedeıshilik – barlyq adamdardyń jaýy, kim onymen jaqsy kúresedi, sol baı jáne tabysty bolady.

 

Derekkóz: imurat.kz

---