InfoHub Logo

Qazaqstan Respýblıkasy İshki ister mınıstrligi júrgizýshilerdi tehosmotr, saqtandyrý nemese júrgizýshi kýáliginiń merzimi ótkeni úshin kameralardan aıyppul alýy múmkin ekenin eske saldy. Bul týraly Infohub.kz aqparat agenttigi habarlaıdy.

Búginde bul qujattardy birneshe mınýt ishinde, tipti kezeksiz onlaın túrde tekserýge bolady. Bul tek talaptardy formaldy túrde oryndaý ǵana emes, joldaǵy qaýipsizdikti qamtamasyz etý úshin de mańyzdy.

Avtokóliktiń jaramdylyǵy, áreket etý merzimi bar saqtandyrý polısi jáne jańartylǵan qujattar júrgizýshi men joldyń basqa da qatysýshylaryn qorǵaýǵa tikeleı áser etedi.

«Avtomatty túrde tirkeý kameralary mundaı buzýshylyqtardy anyqtaı bastady. Bul sharalar jazalaýǵa emes, táýekelderdi eskertýge jáne ómirdi saqtap qalýǵa baǵyttalǵanyn atap ótemiz», - dedi İshki ister mınıstrliginiń baspasóz hatshysy Shuǵyla Turlybek.

Tehnıkalyq qaraýdan ótý erejelerine de jeke toqtalyp ótý qajet. 7 jyldan asqan kólikter úshin bul mindetti bolyp sanalady. Sonymen qatar, 2019 jylǵy úlgidegi kólikter úshin bıylǵy jyldyń basynan bastap tehnıkalyq qaraýdan ótip, tıisti qujat pen júıede belgi alý qajettigin eskergen jón.

Vedomstvonyń málimetinshe, bazalyq talaptardy saqtaý – bul tek júrgizýshiniń jaýapkershiligi ǵana emes, joldardaǵy jalpy tártip pen qaýipsizdikke qosar úles bolyp tabylady.