InfoHub Logo

Bektenov jylytý maýsymyna daıyndyǵy joq birqatar ákimderdi synady

Úkimet otyrysynda Premer-mınıstr Oljas Bektenov jylytý maýsymy bastalýyna 1 aıdan az ýaqyt qalsa da Qazaqstannyń soltústik óńirleri oǵan áli daıyn emestigin atap ótti, dep habarlaıdy Infohub.kz.

Premer-mınıstr birqatar óńirlerde jóndeý jumystary ýaqtyly aıaqtalmaı qalý qaýipi bar ekenine nazar aýdartty.

Mysaly, Aqmola oblysynda Stepnogorsk jylý elektr ortalyǵynda rezervtik qazandyqty jóndeý áli aıaqtalmaǵan. Mańǵystaý oblysynda 2-shi JEO-da eki týrbınany jóndeý merzimi aýystyryldy. Sondaı-aq Aqtaý qalasynda jylý jelilerin jańǵyrtý jumystarynyń qarqyny tómen eken. Bektenovtyń aıtýynsha, mundaı jaǵdaılar ákimder tarapynan josparlaýdyń nashar bolýy men qatań baqylaýdyń joq ekendigin kórsetedi.

Osy rette, energıa kásiporyndarynyń jylý berý maýsymyna ázirligin baǵalaý komısıasynyń jumysyna ákimder tikeleı ózderi qatysýy tıis. Nysandar qysqa ázirlik pasporttarsyz jumysty bastamaý kerek. Rıdder, Kentaý, Ekibastuz jáne Aqtaý qalalarynyń energıa kózderin erekshe baqylaýǵa alý qajet. Ázirlik pasporty bolmaı jylytý maýsymy bastalatyn bolsa, kináli tulǵalar jaýapqa tartylatyn bolady», - dep atap ótti Oljas Bektenov.