InfoHub Logo

Almaty áýejaıynda ózin órteýge tyrysqan er adamnyń jaǵdaıy belgili boldy

Almaty áýejaıynda ózin-ózi órteý áreketi kezinde zardap shekken adamnyń jaǵdaıy týraly dárigerler aıtyp berdi, dep habarlaıdy Infohub.kz.

Er adam №4 Qalalyq klınıkalyq aýrýhananyń reanımasıa bólimine jatqyzyldy.

"Jaǵdaıy óte aýyr. QR Densaýlyq saqtaý mınıstrliginiń klınıkalyq hattamasyna sáıkes tolyq kólemde em alýda", - dep habarlady Almatynyń DSB baspasóz qyzmeti.

Kóliktegi PD baspasóz qyzmeti aldyn-ala málimetter boıynsha, bul árekettiń sebebi er adamnyń azamattyq jubaıymen jeke qaqtyǵysy bolǵan. Oqıǵanyń barlyq mán-jaılary sotqa deıingi tergeý barysynda anyqtalatyn bolady.

Eske salaıyq, keshe, 25 tamyz kúni saǵat 22:06 shamasynda «T-1» termınalynda kasanyń janynda er adam óshin órtemek boldy.
Kóliktegi polısıa departamenti baspasóz qyzmetiniń málimetinshe, polısıa qyzmetkerleri áýejaıdyń qaýipsizdik qyzmetimen birlesip órtti tez sóndirip, jedel járdem brıgadasyn shaqyrǵan. Er adam dereý qalalyq aýrýhanaǵa jetkizildi. Oqıǵaǵa baılanysty qylmystyq is qozǵaldy.