InfoHub Logo

Abaı oblysynyń Besterek aýylynda balalardy kóligimen qaǵyp ketken 55 jastaǵy júrgizýshi apattan keıin esin joǵaltyp, adamdardy tanı almaı qalǵan, dep habarlaıdy Infohub.kz.

20 jyldan astam ýaqyt avtobýs júrgizýshisi bolyp istegen er adam qaıǵyly jaǵdaı bolǵan kúni ustamasy ustap qalyp, kólikti basqara almaı qalǵan.
«Ákemniń jaǵdaıy aýyr. Qazir qamaýda otyr. Ustamasy kezinde eshkimdi tanı almaı qaldy. Róldi ustaı almaı, bári áp-sátte oryn aldy. Qasymyzda anam da bolǵan. Bul óte aýyr apat. Qaza bolǵandardyń otbasyna kóńil aıtamyz. Barshasynan keshirim suraımyz», – dedi júrgizýshiniń uly Erqanat Serikuly.

Úrjar aýdanynda jol apatynan qaza tapqan úsh bala jer qoınyna tabystaldy. Bir otbasynyń eki qyzy Jarma aýdanynyń Jańǵyztóbe aýylynda jerlense, eki jastaǵy búldirshin Eltaı aýylynda jerlendi.