InfoHub Logo

Elimizdiń eń aldyńǵy qatarly ýnıversıteti, qarashańyraǵymyz ál-Farabı atyndaǵy Qazaq ulttyq ýnıversıtetiniń irgetasy 1934 jyly qalandy. Búgingi kúni ýnıversıtetimizde 20 000-ǵa jýyq stýdent bilim alady. On úsh fakúltetten turatyn ýnıversıtette úsh myńǵa jýyq profesor-oqytýshylar quramy stýdentterge bilim berip keledi.

Qala ishindegi «Kazgýgrad» qalashyǵy dep atalyp ketken qutty mekende stýdentterdiń bilim alýyna barlyq múmkindik jasalǵan. Ó.Joldasbekov atyndaǵy 1600 oryndyq stýdentter saraıy, TMD elderindegi jalǵyz úlken aýqymdy «ál-Farabı» kitaphanasy, sportkesheni men stadıon, jańa ǵımarattar, áskerı kafedra, tehnopark, 5000 stýdentke arnalǵan stýdentter úıi, medısınalyq ortalyq jáne stýdentterge qyzmet etý ortalyǵy stýdentter ıgiligi úshin qyzmet jasap otyr.

Stýdentter saraıynda ónerli stýdentterge arnalǵan stýdentter klýby jumys atqarady. Stýdentter klýbynyń daryndy músheleri talaı baıqaýlardyń jeńimpazdary. Sonyń biri retinde, «Baqyt» bı ansamblin erekshe atap ótýge bolady.

Ýnıversıtetimizde dástúrli túrde «Jalyn» birinshi kýrs talanttaryn anyqtaý, «Stýdenttik kóktem», KVN, «Ana tili arýy-Jigit sultany» sıaqty baıqaýlar joǵary deńgeıde ótkizilip turady.

Sondaı-aq, stýdentterdiń kóshbasshylyq qabiletterin, uıymdastyrýshylyq qasıetterin damytý maqsatynda jastar uıymdary komıteti jumys isteıdi. Onyń quramyna «Suńqar» stýdentter kásipodaǵy, stýdentter Senaty, «Kómek» eriktiler qozǵalysy, stýdentter keńesi, stýdentterdiń ǵylymı qoǵamy kiredi. Qazirgi ýaqytta ýnıversıtettegi barlyq merekelik is-sharalar tikeleı atalǵan jastardyń qatysýymen ótedi.

Bes jyl buryn osyndaı keremet mekenniń stýdenti atandym. Burynǵy kezderi úlkender «ómirdegi eń qyzyqty shaqtar – stýdenttik shaqtar» dese túsinbeıtin edik. Naǵyz ómirlik dostardy osy jerden taptym. Umytylmas keshter men sátter osy ýnıversıtette boldy. Ómirdegi eń ystyq sezimder men peıilder, syılastyq pen qurmet – barlyǵyn osy QazUÝ-dan aldym. Árıne, munyń barlyǵy meniń ýnıversıtet belsendileriniń, ıaǵnı «qaımaqtarynyń» qataryna qosylǵan kezimnen bastaldy.

QazUÝ – talantty, daryndy stýdentterdiń basyn biriktirip otyrǵan meken. Syılastyq pen shynaıy dostyqtyń mekeni, QazUÝ – ǵashyqtardyń mekeni. QazUÝ – adamnyń tulǵa bolyp qalyptasýyna yqpal etip, tulǵanyń jan-jaqty qabiletin ashyp kórsetýine múmkindik beretin meken. Sol sebepti de, men ózimniń QazUÝ-da júrgendigimdi ómirimdegi eń úlken sáttilik dep sanaımyn.

Ál – Farabı atyndaǵy QazUÝ ýnıversıteti

Mehanıka – matematıka fakúltetiniń 1 – kýrs magıstranty

Ábdirasil Nazerke Medetbekqyzy Ýrazgalıeva Svetlana Amanjolovnanyń jetekshiligimen

---