InfoHub Logo

Bilimniń bastaýy – balabaqshada (Erteńgilik)

Maqsaty: 1 qyrkúıek - Bilim kúni merekesiniń mańyzyn túsindirý, sezindirý. Ata Zań kúni merekesin atap ótý.
Sahna mádenıetine baýlý. Kóńildi orta qalyptastyrý.

Barlyq balalar «Baldáýren» ániniń áýenimen túrli - tústi sharlar ustaı kóńildi bı bıleıdi, bı aıaqtalǵanda sharlardy ushyryp jiberedi. Ortada júrgizýshi 5 - 6 bala qalady:
1 - bala: Qandaı keremet! Búgin kóńil - kúıim sharyqtap tur!
2 - bala: Sebebi búgin mereke ǵoı!....
3 - bala: Iá, ıá! Búgin - 1 qyrkúıek, bilim kúni!
4 - bala: Báse, búgin oń kózim qaıta - qaıta tartqan edi.........
5 - bala: Osylaı áńgimelesip tura beremiz be?
Balalardy shaqyryp, merekeni birge toılamaımyz ba?

1 - bala: Kettik onda! (Ortaǵa taqpaq aıtatyn basqa balalar aýysyp turady)
6 - bala: Ómirdiń beıbit baǵy bul,
Asýdan asyp asqarly
Minekeı bıyl taǵy bir
Jańa oqý jyly bastaldy.
7 - bala: Balabaqsha esigin
Úshke tola ashqanbyz.
Balapandaı mápelep,
Ósirýde baqshamyz.
8 - bala: Bul - ekinshi úıimiz,
Bir týǵanbyz bárimiz.
Biz - osy úıdiń gúlimiz
Biz - osy úıdiń sánimiz.
9 - bala: Egemen eldiń tósinde,
Shýaǵyn shashqan araı kún
Azamat bolyp ósemiz
Qyzyǵa álem qaraıtyn.
10 - bala: Bıikterge bastaıtyn asqaraly
Ár júrektiń súıikti, asqaq áni
Merekede bárimiz bir daýyspen
Shyrqaıyq elimizdiń ánuranyn!

QR Memlekettik ánurany

11 - bala: Búkil elde bastalyp búgin jyry,
Baq qońyraý shaqyrar uǵymdyny.
Bilim - ǵylym bastaýy, merekeli
Qutty bolsyn búgingi Bilim kúni!
12 - bala: Shaıdaı ashyq beıbit kúnniń aspany
Aýlamyzdyń kelisip tur bar sáni
1 - qyrkúıek - saltanatty merekemen
Quttyqtaıdy meńgerýshi barshany!
Súıikti apaıymyz -................................. qurmetti sóz kezegin usynamyz!

Quttyqtaý sóz

13 - bala: Merekemizdi apaılarǵa arnap ásem ánmen jalǵaıyq.
Rıza etip barshany
Ásem ánge salamyz
Taýdan bıik talaby
Biz - súıkimdi balamyz!

Án «Súıkimdi balamyz» mýz: B. Jumabekova

(Kóńildi mýzykamen Kúldirgishter bir - birimen sýmen atylatyn pıstoletpen atysyp (nemese maıda túrli - tústi doptarmen) oınap keledi)
1 - Kúldirgish: O! Munda balalar kóp eken! Jaqsy boldy!
2 - Kúldirgish: Kelińder balalar, qyzy - y - yq oıyn oınaıyq!
1 - Kúldirgish: Nege sonsha syqıyp kıinip alǵansyńdar?......
13 - bala: Búgin – bilim kúni ǵoı! Úlken mereke!
14 - bala: Biz endi oıyndy azaıtamyz, kóbirek oqıtyn bolamyz.
2 - Kúldirgish: Solaı deńder?! Al kóp oqyp mıdy ashytyp keregi ne?
15 - bala: Korabldi basqaryp
Kók júzine samǵatar
Taýdy buzyp, tas jaryp
Muhıttardy jalǵatar
Syrlary kóp ǵylymnyń
Sheshilmegen áli de
Tereńdigi bilimniń
Kerek eken bárine!
16 - bala: Bilim - meniń erteńim
Ósý úshin órkenim
Júzem oqý - aıdynda
Jaıyp bilim jelkenin
Qıyndyqtan ótýge
Armandarǵa jetýge
Bilim alam erinbeı
Elime qyzmet etýge!
1 - Kúldirgish: Keremet! Onda biz basqa da Kúldirgish dostarymyzdy
shaqyryp senderge mereke qurmetine bı bılep bereıik,
shashýymyz bolsyn!

Bı «Kúldirgishter bıi»

17 - bala: (Aıda) Búgingideı mereke kúni biz de Baqdáýlet dosymyz
ekeýmiz barsha qaýymǵa ánimizdi arnaǵymyz keledi...
Qabyl alyńyzdar!

Jeke án «Jas dáýirdiń túlegimiz» mýz: I. Núsipbaev

(Ásem áýen oınalyp «Baqyt qusy» ushyp keledi)
Baqyt qusy: Sálem, barshańyzǵa! Men - Baqyt qusymyn. Qarıasy syıly,
balalary baqytty Qazaqstan deıtin baıtaq eldi meken etemin.
Máńgilik el halqynyń qos merekege arnaǵan lebizderin myna
sıqyrly sharǵa jınap júrmin. Lebizderge tolǵan sıqyrly
shar elimizdiń kóginde barsha Qazaqstandyqtarǵa nurly shýaǵyn
shashyp turatyn bolady.
18 - bala: Nelikten qos mereke dedińiz? Búgin bilim kúninen basqa taǵy
qandaı mereke?
Baqyt qusy: 30 tamyz – Ata Zań kúnin keshe ǵana búkil el toılady. Ata Zań -
eldegi baqyt pen birliktiń, bostandyq pen teńdiktiń kepili.
Bul mereke týraly buryn sender estimedińder me?
19 - bala: Estigende qandaı! Ata Zań kúni merekesine de biz arnaıy
taqpaqtar jattadyq, tyńdap kórińiz.
20 - bala: Ata zańym - tiregim
Arman, úmit, tilegim
Órlep, ósken búgingi -
Óz Otanym, uly elim!
21 - bala: Ata zańym - birligim
Berekeli is, tirligim
Eldiń yrys, baqyty
Beıbitshilik, nurly kún!
22 - bala: Ata zańym – qýatym
Senim, maqsat, muratym
Maqtanyshym, kók týym
Kókte shalqyp turatyn!
Qazaqstan - uly elim
Ánge qosam ór atyn!
Jeke án «Maqtanym - Qazaqstanym» mýz: A. Espenbetova
Baqyt qusy: Óte tamasha! Men rıza bolyp turmyn. Ketkim kelmeıdi, biraq
búkil Qazaqstandy aralap shyǵý úshin asyǵýym kerek.
Myna sıqyrly sharǵa merekelik lebizderińdi aıtyp jiberińdershi:
Balalar: - Qos mereke qutty bolsyn!
- Elimiz órkendeı bersin!
- Bilimdiler kóp bolsyn!
- Beıbitshilik kúni jarqyraı bersin!
- Táýelsizdigimiz baıandy bolsyn!
- Máńgilik el bolaıyq! t. b.
Baqyt qusy: Kóp rahmet, senderge, balalar! Mereke merekege ulasa bersin!
Saý bolyńdar!

Balalar: Saý bolyńyz!
23 - bala: Biz – elimizdiń jas órkenimiz,
Jeldi kergen jelkenimiz,
Jelbireter kókte týyn
Biz - elimizdiń erteńimiz!
Bı «Erke balalar bıi»

24 - bala: Balabaqshamyzdaǵy naǵyz erke dostarymyz apaılarymen birge kele
jatyr, qarsy alaıyq! (İ sábıler toby balalary ortaǵa shyǵady)
26 - bala: Erke dostarymyzdyń tilin tapqan......................... apaılardyń
merekelik quttyqtaýlaryn tyńdaıyq......
Quttyqtaý sóz
Bı «Bóbekter bıi»
27 - bala:................................., jańa oqý jylynyń alǵashqy qońyraýyn soǵý sáti de kelip jetken sıaqty.
28 - bala: Nesi bar? Onda kóp oılanbaı alǵashqy qońyraý soǵý qurmetin kishkentaı bóbekterimiz....................... (ul men qyz) senip tapsyraıyq!
Alǵashqy qońyraý soǵý saltanaty

29 - bala: Shyryldaǵan tynym almaı
Qońyraýdyń úni qandaı!
Maqsatyna jete me adam
Oqý oqyp, bilim almaı?!
Ǵylymnyń kóp tas qamaly
Ǵalymdyq ta asqaraly
Bar bilimniń nur bastaýy -
Balabaqshadan bastalady!

Jeke án «Kúmbirle, qońyraý!» mýz: A. Espenbetova
30 - bala: Mereke taǵy da qutty bolsyn! Qońyraý únimen jańa oqý jylynyń
alǵashqy oqý is - áreketin bastaý úshin tobymyzǵa asyǵaıyq.
Sharshamaı – talmaı bilim teńizine súńgıik!
Bıikterdi baǵyndyrýdan jalyqpaıyq!