InfoHub Logo

№6 «Aıgolek» eresek tobynda uıymdastyrylǵan
ashyq oqý is - áreketiniń tehnologıalyq kartasy
Bilim berý salasy: Qatynas
Uıymdastyrylǵan oqý is - áreketi. Til damytý.
Taqyryby: Bir ýys maqta
Maqsaty:
Bilimdilik: Balalardy qazaq halqynyń tuńǵysh aǵartýshysy Y. Altynsarın ómirimen tanystyrý. Oqylǵan shyǵarmanyń mazmunyn áńgimeleýge, mánerine keltire aıta bilýge úıretý.
Damytýshylyq: Este saqtaý qabiletterin damytý, sózdik qorlaryn molaıtyp, baılanystyra sóıleýge daǵdylandyrý.
Tárbıelik: Balalardy adaldyqqa, ımandylyqqa tárbıeleý.
Kórnekilikter: Y. Altynsarın portreti, áńgime mazmunyna salynǵan sújettik sýretter.
Sózdik jumys: shapan, maqtanyń qıqymy, mamyq.
Kerekti quraldar: sújetti sýretter
Ádis - tásilder: kórsetý, túsindirý, suraq - jaýap, madaqtaý, qorytyndylaý.

Motıvasıalyq qozǵaýshy
«Shattyq sheńberi»
- Úlkenge de siz,
Kishige de siz
Barshańyzdy qurmettep,
Bas ıemiz biz.
- Bir - birlerine jyly sezim, kúlki syılaý. Ár balanyń tósine kúlimdegen smaılıkter taǵý.

İzdený - uıymdastyrýshy
- Balalar, búgingi ashyq sabaǵymyzdyń taqyryby
«Bir ýys maqta».
Áńgimeniń avtory týraly qysqasha málimet berý. Ybyraı Altynsarın qazaqtyń asa kórnekti aǵartýshy pedagogi. Balalarǵa arnap kóptegen ertegiler, áńgimeler jazyp qaldyrǵan. Áńgimeleri: Qarǵa men qurt, Saýysqanmen qarǵa, Áke men bala, Túlki men eshki.
Búgingi tanysatyn áńgimemiz «Bir ýys maqta» dep atalady.
Áńgimeni mánerlep oqyp berý.
Bir kishkentaı qyz, ákesiniń shapanyn jamap otyr eken, sheshesi qasyna otyryp, aqyl aıtty.
- Balam dúnıedegi jaratylǵan jandy - jansyzdardyń eshqaısysynyń da kereksiz bolyp jerde qalatyny bolmaıdy,- dep, Sol sózdi aıtyp otyrǵanda qyz bala kıimin jamap bolyp, jerdegi maqtanyń qıqymyn terezeden laqtyryp, dalaǵa tastady.
- Áje osy qıqymnyń esh nársege keregi bola qalmas,- dep
- Sheshesi:
- Balam sol da jerde qalmaıdy,- dedi. Osylaısha sóılesip, terezeden qarap otyrsa, manaǵy maqtany jel kóterip ushyrdy, muny bir torǵaı kórip qýyp baryp maqtany tumsyǵyna tistep qana alyp ushyp ketti. Qyz ájesinen:
- Manaǵy maqtanyń qıqymyn bir torǵaı alyp ketti. ony neǵylady?- dep surady. Ájesi aıtty.
- Kórdiń be balam, kún aınalmaı manaǵy aıtqan sózdiń kelgenin. Ol kishkentaı maqtany torǵaı uıasyna tósep, jas balapandaryna mamyq etedi,- dedi.
Bir ýys maqta júkteý