InfoHub Logo

Birjan sal Tezekbaı aqynmen zamandas bolǵan soń, ár ýaqyt kezdesip ázildesip, qaǵysyp júredi eken. Bir kezdeskende ekeýi bylaısha qaǵysyp qalypty:

Tezekbaı:

Bul ónerdi kim berdi, Birjan saǵan,
Óner bergen kisińdi aıtshy maǵan.
Óner bergen kisińdi aıta almasań,
Seniń óleń aıtýyn, tipti aram.

Birjan:

Jaratqan bárimizdi — bir qudaıym,
Abzal qylyp jaratqan kún men aıyn.
Ónerdiń boıǵa bitken arqasynda,
Tezeke-aý, saldyq qurmaı ne qylaıyn.

Tezekbaı:

Ras, bárimizdi jaratqan — bir qudaı-dy,
Abzal qylyp jaratqan kún men aıdy.
Bir qudaıdyń birligin haq dep bilseń,
Neshe sıpatpen tanısyń bir qudaıdy.

Birjan:

Óziń molla, oqısyń jazǵan hatty,
Seri qaıdan biledi sharıǵatty.
Ákem Qojaǵul bolǵanda, ózim — salmyn,
Men sizden suramaımyn nasıhatty.

Tezekbaı:

Olaı bolsa, otyrǵanda, aqyn men oı taba ber,
Kúndiz-túni júrseń de jol taba ber.
Orta júzdiń balasy «Temir Qaqpan, Baıǵulybaı» dep áne, zarlap tur ǵoı.
Qyz-kelinshekke aıtyp, tana-monshaq jıyp;
sonymen jolyǵysyp mal taba ber,—

dep batasyn beripti.

---