InfoHub Logo

Atyraý óńirinde ana men bala ólimi azaımaı tur. Bul aımaqtaǵy basty másele. Keıbir otbasynyń basynan osy oqıǵalar ótip jatyr . 2016jylǵy kórsetkishterge kóz júgirte qarasaq, 2017 jyly oblysymyzdaǵy jas náresteler óliminiń kórsetkishi 2,6% artty. 2018 jyldan bastap jyldyń sońyna deıin 69 jańa týǵan náreste shetinedi degen derekter bar. Osy jóninde Atyraý oblystyq densaýlyq saqtaý basqarmasynyń basshylarynyń málimdeýinshe bıylǵy jyly  sábı ólimi 23 paıyzǵa deıin kóterilgenin, búgingi kúnde oblystyq perzenthana da ana óliminen góri sábılerdiń shetinep ketýi basymyraq dep sózderine tıek etti.

Osy oraıda aq halattylardy sózge tartsaq, júkti áıelderdiń densaýlyǵynda kinárattyń bolýy, ýaqytyly dárigerge qaralmaýy, ózderine salǵyrt qaraýy, stresske túsýi, aýyrǵan jaǵdaıda bizdiń kómegimizge júginbeı, úı jaǵdaıynda óz em-sharalaryn jasaýy, durys tamaqtaný rejımin saqtamaýy dep birneshe sebepterdi negizge ala otyryp sóıledi. Bizde qalys qalmaı analardyń pikirin bilýdi jón kórdik. Jas bosanǵan áıelderdiń kóbisiniń aıtýy boıynsha, dárigerlerdiń qaramaıtynyń sebep retinde aıtty. Aýyryp turyp,kómek surasa, bálkim jaqpaıtyn taǵamdy jep qoıǵan shyǵarsyz dep jeńil-jelpi qaraıdy eken. Sonda kiná jas ananyń ózderinen de, aýyrǵan jaǵdaıda der kezinde kómek kórsetpegen aq halattylardan bolyp turǵanyń ańǵarsaq bolady.

Qazir medısına salasynda tehnıkanyń damý prosesi qarqyndy. Aı-kúni jetpeı bosanǵan áıelderdiń sharanasy 500 gramnan asyp týylsa bolǵany, aman saqtap qalý múmkindigi bar. Bul jaı ǵana múmkindik.Kóbine emes, keıbir jandarǵa ǵana úmit otyn syılaıdy.Jas ananyń qolynan keletini sabyrlyqpen ǵana kútý. Kip-kishkentaı bir japyraqty áınek terezeniń(vakýmm) ishine matap tastaıdy. Qıyn jaǵdaı... Qazirgi kúni munaıly aımaǵymyz mamanǵa muqtaj. Bir jaǵynan qymbat qondyrǵylardyń ahýaly da kóńil kónshitpese kerek. Asyly,aýyryp em izdegenshe, aýyrmaýdyń jolyn izdengenimiz abzalyraq.

Qaıyr Saǵynysh

H.Dosmuhamedov atyndaǵy Atyraý memlekettik ýnıversıtetiniń 3 kýrs stýdenti

---