InfoHub Logo

Biz 5-7 jyldan keıin elektromobıldermen júretin bolamyz. Búgin Astanadaǵy Beıbitshilik jáne kelisim saraıynda Qazaqstan halqy Assambleıasynyń «Táýelsizdik. Kelisim. Bolashaǵy birtutas ult» kún tártibimen ótken XXIV sesıasynda  QR Prezıdenti Nursultan Nazarbaev osylaı dedi.

«Jańa energıa» taqyrybymen ótetin «EKSPO-2017» kórmesi ashylar qarsańda men barlyq ǵalymdardyń nazaryn myna jaıtqa aýdarǵym keledi. Qazirgi ýaqytta álemde bul baǵytta jınaqtalǵan tájirıbe óte mol. Máselen, Taıvan men Ońtústik Koreıa  jel men kúnniń qýaty esebinen elektr energıasyn óndirý isinde birshama alǵa ilgerilegen. Keshe, tek kún batareıkasynyń arqasynda Atlantıkany kesip ótken alǵashqy ushaqty kórsetti. Elektromobıl de qalypty qubylysqa aınalyp keledi. Biz 5,7 jyldan keıin elektromobılmen júretin bolamyz», - dedi Elbasy.

QR Prezıdenti osyǵan oraı munaı tutyný kólemi tómendeıtindigin, óıtkeni, avtomobılder álemde óndiriletin munaıdyń 33 paıyzyn paıdalanyp otyrǵandyǵyn basa aıtty.

«Mundaı tájirıbelerińiz bolsa engizeıik, búkil álemge Qazaqstanda «jasyl» energetıka boıynsha jasalǵan dúnıelerdi kórseteıik», - dedi Memleket basshysy.

---