InfoHub Logo

Taqyryby: «Biz mektepke baramyz»
Maqsaty: Mektepaldy daıarlyq synybynyń jyl boıy alǵan biliminiń, úırengen jumystarynyń nátıjesin kórsetý, balalardyń sózdik qoryn, tilin, oı - órisin keńeıtip damytýmen birge olardy otansúıgishtikke, baýyrmaldylyqqa, uıymshyldyqqa tárbıeleý.

Barysy:
Júrgizýshi: Aınalaıyn, balalar,
Senderde oı, sana bar.
Ózderińnen ósedi,
Ónershiler, danalar.
Ósti, mine, boılaryń,
Ósti, mine, oılaryń,
Qýanyshqa ortaqpyn.
Qutty bolsyn, toılaryń.
Ótti qyzyq kóp kúnder,
Alty jasqa jettińder.
Barasyńdar mektepke,
Bir belesten óttińder.

Qurmetti ustazdar, ata - analar! Búgingi «Biz mektepke baramyz» atty erteńgiligimizge qosh keldińizder. Búgin búldirshinderimiz az ýaqyt ishinde mektepten tálim - tárbıe alyp, óner úırenip, jyl boıy bilimge jol ashqan daıarlyqpen qoshtasyp, birinshi synypqa qadam basqaly otyr. Balalarymyzdyń qadamdary qutty bolsyn deı otyryp, búgingi erteńgiligimizdi bastaımyz. Synybymyzdaǵy balalarmen tanystyryp óteıin.

Úmitaı: Sálem saǵan mektebim,
Sálem bilim ordasy.
Jasyl baqty kóktemim,
Jastyq shaqtyń ordasy.

Damır: Daıarlyq synyp qosh endi,
Árkez aman bol deımin.
Ákemmenen sheshemdi,
Endi ertip kelmeımin.
Jylamaımyn endi men,
Sabaqtan da qalmaımyn,
Ata - ana úmitin,
Ármen qaraı jalǵaımyn.