InfoHub Logo

Bilim berý salasy: Tanym
Uıymdastyrylǵan oqý is - áreketi: Aınalamen tanystyrý
Uıymdastyrylǵan oqý is - áreketiniń taqyryby: «Nan dastarhanǵa qalaı keledi?»
Uıymdastyrylǵan oqý is - áreketiniń maqsaty: Dán tuqymymen tanysý, bıdaıdan nan jasalatynyn aıta otyryp, dastarhanǵa jetkenge deıingi isteletin eńbek mazmunymen, qoldanylatyn tehnıkalardyń attarymen tanystyrý. Úlkenderdiń eńbegin baǵalaı bilýge tárbıeleý.
Damytýshylyq maqsaty: Balalardyń aqyl - oı belsendiligin arttyrý. Óleń, naqyl sóz, maqal - mátel arqyly til baılyǵyn damytý.
Tárbıelik maqsaty: Berilgen tapsyrmany oryndaýǵa, eńbekqorlyqqa tárbıeleý, naqyl sózderdiń tárbıelik mánin túsinýge talpyndyrý.
Jańa sózder: naýbaıhana, dıirmen, kombaın, dıhan, elevator.
Ádis - tásilder: túsindirý, sergitý, oıyn, áńgimeleý, suraq - jaýap.
Kórneki quraldar: Eńbek adamdarynyń sýretteri, nan túrleriniń sýretteri, nan, baýyrsaq, oıynǵa dıdaktıkalyq quraldar, un, smaılık.
Pánaralyq baılanys: til damytý, beıneleý, saýat ashý.

Sabaq barysy: Uıymdastyrý.
Shattyq sheńber: Jańbyr, jańbyr jaýasyń,
Janymyzǵa daýasyń.
Biz oınaıtyn aýlanyń,
Tazartasyń aýasyn.
- Balalar kóńil - kúıleriń qalaı?
- Olaı bolsa kóńildi bolǵanda ne isteısińder?
- Qol shapalaqtaımyz.
- Renjigende, qabaq túıemiz.(balalar qabaqtaryn túıedi)
- Qoryqqanda, kózimizdi jumamyz(balalar kózderin jumady)
- Qýanǵanda, kúlemiz.
- Endeshe, balalar, qazirgi kóńil - kúılerińdi aldaryńdaǵy smaılık arqyly kórsetińder.
- Jaraısyńdar, barlyǵymyzdyń kóńil - kúıimiz jaqsy eken, olaı bolsa oqý is - áreketimizdi bastaımyz.
- Balalar, aldaryńdaǵy sýretterden, taqtadaǵy kórnekilikterden baıqap otyrǵan bolarsyzdar, búgin ne týraly aıtaıyn dep turǵanymyzdy.
- Durys aıtasyńdar, balalar.
- Mine, bizdiń aldymyzda dastarhan jaıýly tur. Onyń ústinde nandardy kórip tursyńdar. Endi biz osy dastarhanǵa nan qalaı keletinin myna sýretterden kóretin bolamyz.
- Kóktemde myna sýrettegi traktorlar jerdi jyrtyp, jerge mynadaı bıdaı dánin sebedi. (balalarǵa bıdaıdy kórsetemiz)
- Dıhanshylar jaz boıy egilgen dánderdi sýaryp, kútip - baptaıdy. (dıhan sózine túsinik berip ketemiz)
- Kúz bolǵanda jaıqalyp, bıdaı ósip shyǵady. Ósip shyqqan bıdaıdy kombaınshylar oryp, mashınalarǵa salyp beredi. (kombaın sózine toqtalyp ketý)
- Kólikter ony elevatorǵa tasıdy. Elevatorda bıdaıdy jyldap saqtaýǵa bolady. (elevator sózine toqtalý)
- Qajet bıdaıdy dıirmenge aparyp, odan un jasap shyǵarady. (dıirmen sózine toqtalý) Balalarǵa undy kórsetemiz.
- Daıyn bolǵan unnan naýbaıhanalarda túrli nan ónimderin shyǵarady.
- Mine, balalar, bizdiń dastarhanymyzǵa nan osyndaı kóp eńbektiń arqasynda keledi eken.
Taqtadaǵy unnan jasalǵan ónimder týraly sýretterge toqtalý.

Dıdaktıkalyq oıyn: «Qaısysy artyq?»
Oıynnyń sharty: Berilgen sýretterdiń ishinen nan ónimderine jatpaıtyn taǵam túrlerin shyǵaryp tastaýlary kerek.
Aınalamen tanystyrý álippe - dápterinen berilgen tapsyrmany oryndaý.

Dıdaktıkalyq oıyn: «Durys ornalastyr»
Oıynnyń sharty: Un, bıdaı, nan sýretteri beriledi. Sýret astyndaǵy sózdi oqyp, retimen ornalastyrýlary kerek.

Sergitý sáti: Kóktemde jerdi jyrtamyz,
Tegisteımiz tyrmalap.
Dánderdi oǵan egemiz,
Jaıqalyp egin shyqsyn dep.
Kúz bolǵanda oramyz,
Nanǵa bizder toıamyz.(qımylmen kórsetý)
Jumbaq jasyrý: Uzyn murtty sarylar
Qoınynda dáni bar. (bıdaı)
Balalarǵa bıdaıdyń sýretin salǵyzý.
Tyıym sózder: 1. Nandy bir qolmen úzbe.
2. Nandy, dastarhandy baspa.
3. Nandy tóńkerip tastama.
4. Nandy aıaqqa baspa.
Maǵynalaryn túsindirý.

Dıdaktıkalyq oıyn: «Tez oıla»
Oıynnyń sharty: Mamandyq túrleri atalady. Solardyń ishinen taqyrypqa saı mamandyq ıeleri atalsa balalar qol shapalaqtaýlary kerek. Mys. Muǵalim, eginshi, dáriger, kombaınshy, traktorıst, naýbaıhanashy, esepshi, dıhanshy, t. b.
Barlyǵymyz birge. Nan qoqymyn shashpańdar,
Jerde jatsa baspańdar.
Terip alyp qasterlep,
Torǵaılarǵa tastańdar.

Qorytyndy.
- Balalar, búgingi oqý is - áreketi barlyǵyńa túsinikti boldy ma? Eger barlyǵyńa unasa, qoldaryńdaǵy smaılıkti kóteremiz.
- Rahmet, balalar, jaraısyńdar!