www.newtimes.kz
Blıgıadaǵy jaǵdaı: Qazaqstandyqtar BAÁ men Katardaǵy ahýaldy baıandady
28 aqpan kúni tańerteń Taıaý Shyǵystaǵy shıelenis kezinde Abý-Dabıde jarylystar boldy. Osy oqıǵalarǵa baılanysty Birikken Arab Ámirlikteri men Katarda júrgen qazaqstandyqtarmen tildesip, jergilikti jaǵdaıdy bildik.
Bul týraly Infohub.kz aqparat agenttigi habarlaıdy.
Dýbaıda bilim alyp, jumys isteıtin stýdent Mıras qaladaǵy jaǵdaıdyń tynysh ekenin aıtty. Onyń sózinshe, BAÁ-degi jaǵdaı BAQ-ta jazylǵandaı, erekshe dúrligýsiz, qalypty rejımde ótip jatyr. Alaıda, áýejaıdyń jabylýy týraly estigenin jetkizdi. Jarylystar Abý-Dabıde bolǵan. Mıras oqýyn aıaqtap, keıin Otanyna oralýdy josparlap otyr.
Dýbaı áýejaıyndaǵy taǵy bir kýáger reısterdiń keshiktirilgenimen, jaǵdaıdyń turaqty ekenin habarlady. Onyń aıtýynsha, onyń reısi eki saǵatqa keıinge shegerilgen. Áýejaı aýmaǵy jabyq bolǵandyqtan, jolaýshylar kútýde. Olarǵa jergilikti McDonald’s meıramhanasynda ystyq tamaq uıymdastyrylǵan.
Keıinirek Dýbaı áýejaıynyń basqarmasy aımaqtaǵy áýe keńistiginiń jabylýyna baılanysty áýe reısterine qyzmet kórsetýdi ýaqytsha toqtatqanyn habarlady.
Sonymen qatar, Qazaqstannan Katarǵa bara jatqan bes týrıstiń jaǵdaıymen týrısik agent Roza Esenqulova aınalysyp jatqanyn aıtty. Olar qazir áýejaıda. Agenttik olarǵa konsýltasıalyq qoldaý kórsetip, qonaqúılerge ornalastyrýda.
Esterińizge sala keteıik, 28 aqpan kúni tańerteń Abý-Dabıde jarylystar boldy. Bul oqıǵalar Irannyń AQSH pen Izraıldiń shabýyldaryna jaýaby retinde jasalǵan áreketterimen baılanystyrylýda.
-
Krıstına Shýmekova zavoevala trı zolotye medalı na chempıonate mıra sredı ıýnıorov v Germanıı, pokazav vydaıýshıesá rezýltaty na dıstansıah 500, 1000 ı 1500 metrov.
-
Kazakh citizens residing in the UAE and Qatar provide firsthand accounts of the situation following explosions in Abu Dhabi, detailing local conditions and travel impacts.
