InfoHub Logo

Astanada blogerler Erbolat Janabylov pen Elmıra Tólegenovaǵa qatysty sot prosesi jalǵasýda. Búgin sottalýshylar sońǵy sózderin aıtýy tıis bolǵan, alaıda Tólegenova sotqa kelmedi.

Bul týraly Infohub.kz aqparat agenttigi habarlaıdy.

Sottalýshynyń advokaty Gaýhar Aıtjanovanyń aıtýynsha, onyń qorǵaýyndaǵy azamatsha densaýlyǵyna baılanysty sot otyrysyna qatysa almaǵan. Advokat sotqa kelmeý sebebin rastaıtyn qujattardy keıinirek usynatynyn málimdedi.

Sýdıa Ádilbek Baımahanov, densaýlyq jaǵdaıyn rastaıtyn qujattar sot otyrysy kezinde usynylmaǵanyn atap ótti. Ol sottalýshyǵa qujattardy usyný nemese onlaın qosý úshin eki saǵat ýaqyt beriletinin aıtty. Eger bul talap oryndalmasa, sot otyrysynyń sebebi negizsiz dep tanylyp, qylmystyq isti qaraýǵa kedergi keltirgeni anyqtalady. Áıtpese, sot shara qoldanatynyn eskertti.

Osyǵan baılanysty sýdıa eki saǵatqa úzilis jarıalady.