tengrinews.kz
«Ortalyq plovtaǵy» tragedıa: Prokýratýra jańa kúdiktilerdi ustaǵanyn habarlady
Aqmola oblysyndaǵy «Ortalyq plov Loft» kafesinde órt qaýipsizdigi talaptarynyń buzylýy saldarynan 12 adamnyń qaza tabýyna baılanysty sotqa deıingi tergeý jalǵasyp jatyr. Jaqynda bul is boıynsha taǵy eki adam ustaldy.
Bul týraly Infohub.kz aqparat agenttigi habarlaıdy.
Tergeý barysynda avtogaz quıý stansıasynyń dırektory men gaz balondaryn jetkizýshi qosymsha ustaldy. Olar balondardy toltyrý jáne jetkizý qyzmetterin kórsetý kezinde zańnama talaptaryn buzdy dep kúdikke ilindi.
Kúdiktilerdiń áreketteri
Kúdiktilerdiń áreketteri Qylmystyq kodekstiń «Tutynýshylardyń ómiri nemese densaýlyǵy úshin qaýipsizdik talaptaryna saı kelmeıtin qyzmetter kórsetý, saldarynan abaısyzda eki adamnan astam adamnyń densaýlyǵyna zıan keltirý jáne adam ólimine ákep soqtyrý» babynyń 3-bóligi boıynsha saralandy. Bul bap boıynsha 8 jylǵa deıin bas bostandyǵynan aıyrý jazasy qarastyrylǵan.
Sot sanksıasymen kúdiktilerdiń biri qamaýǵa alynyp, ekinshisi úı qamaǵyna shyǵaryldy.
«Sotqa deıingi tergeý jalǵasýda. İs boıynsha túpkilikti sheshimdi sot qabyldaıdy», - dep habarlady prokýratýra.
«Ortalyq plovtaǵy» jarylys pen órt
Shýchınsk qalasyndaǵy «Ortalyq plov» mekemesinde bolǵan qaıǵyly oqıǵa 2026 jyldyń 26 aqpanynda keshke qaraı boldy. Oqıǵadan keıin birden jeti adamnyń qaza tapqany habarlandy: beseýi sol jerde kóz jumsa, ekeýi jansaqtaý bóliminde qaıtys boldy.
Keıinnen qaza tapqandar sany artty: 3 naýryzda 9 adamǵa, 11 naýryzda 11 adamǵa jetti. Dárigerlerdiń tyrysýyna qaramastan, naýqastardy qutqarý múmkin bolmady, olardyń jaǵdaıy óte aýyr boldy.
18 sáýirde Densaýlyq saqtaý mınıstrliginiń baspasóz qyzmeti taǵy bir zardap shekken azamattyń qaıtys bolǵanyn habarlady. Ol sanıtarlyq avıasıamen Astanadaǵy aýrýhanalardyń birine jetkizilgen. Osylaısha, qaza tapqandar sany 12 adamǵa jetti.
Qylmystyq kodekstiń 292-babynyń 3-bóligi («Abaısyzda eki nemese odan da kóp adamnyń ólimine ákep soqtyrǵan órt qaýipsizdigi talaptaryn buzý») boıynsha qylmystyq is qozǵaldy. Baptyń sanksıasy 5 jyldan 10 jylǵa deıin bas bostandyǵynan aıyrýdy kózdeıdi.
Kafe ıesi eki aıǵa qamaýǵa alyndy.
-
V Kazahstane v etom godý ne býdýt provodıt voennye parady 7 ı 9 maıa. Vmesto etogo zaplanırovany drýgıe meroprıatıa.
-
Astanada blogerler Erbolat Janabylov pen Elmıra Tólegenovaǵa qatysty sot prosesi jalǵasýda. Búgin sottalýshylar sońǵy sózderin aıtýy tıis bolǵan, alaıda Tólegenova sotqa kelmedi.
