InfoHub Logo

Tanymal bloger Kerim Naımanbaeva áleýmettik jelide ózine qatysty aıtylǵan pikirlerge jaýap berip, jeke ómiri men kózqarastary týraly ashyq jazba jarıalady.

Bul týraly Infohub.kz aqparat agenttigi habarlaıdy.

Naımanbaeva óziniń týǵan kúninen keıin kóptegen «sarapshylardyń» ony talqylaı bastaǵanyn aıtyp, bul taqyrypty birjola jabýǵa nıetti ekenin jetkizdi. Ol óziniń mentaldy jáne psıhıkalyq turǵyda saý ekenin atap ótti.

Ómirlik ustanymdardyń ózgerýi

Bloger turmysqa shyǵý sheshimi men ómirlik ustanymdarynyń ýaqyt óte kele ózgergenin moıyndady. Onyń aıtýynsha, qazirgi tańda áıel adamnyń óz betimen tabys taba alýy óte mańyzdy.

«Men kúıeýimdi mahabbatpen tańdadym. Iá, jasyrmaımyn – men úshin onyń jaǵdaıy da mańyzdy boldy. Biraq búginde kózqarasym ózgerdi. Meniń oıymsha, áıel adam densaýlyǵy, aqyly jáne nıeti bolsa, ózi aqsha taba alýy kerek. Er adamnyń aqshasyn kútip otyrý durys emes. Ana bolý meni qatty ózgertti. Ómirge tereńirek qaraı bastadym. Menińshe, barlyq adam teń. Árkim óz qalaýynsha ómir súrýge quqyly: jumys isteýge, damýǵa, tabys tabýǵa, óz jolyn tańdaýǵa», - dedi bloger.

Qoǵam pikiri men tabıǵı minez

Kerim Naımanbaeva qoǵam tarapynan aıtylatyn synǵa qatysty pikir bildirip, ár adamnyń minezi ártúrli bolatynyn atap ótti.

«Nege meni nazardy jaqsy kórgenim úshin aıyptaısyzdar? Men eshkimniń nazaryn tartyp alyp jatqan joqpyn. Eger bireýge unasam – bul maǵan jaǵymdy. Unamasam – ol da qalypty jaǵdaı. Men bárine unaýǵa mindetti emespin. Menen únemi “balalyq travma” izdeýdiń qajeti joq. Keıbir adamdar sondaı bolyp týady: sahnany, nazardy, emosıany, oıyndy jaqsy kóredi, ártúrli bolýdy unatady. Bul – travma emes. Bul – tabıǵat», - dep qorytyndylady bloger.