InfoHub Logo

Abaı oblysynda jazǵy kezeńde órt qaýpiniń joǵary bolatyny boljanyp otyr. Bul týraly úkimettiń baspasóz qyzmetine silteme jasap Infohub.kz habarlady. Qazaqstan Premer-mınıstri Oljas Bektenov óńirge jumys saparymen baryp, jazǵy daıyndyq barysyn tekserdi. Sondaı-aq, ol Semeı qalasy men Alakól jaǵalaýyn damytýdyń aýqymdy josparlarymen tanysty.

Ormandardy qorǵaýda jasandy ıntellekt

«Semeı ormany» rezervatynda Premer-mınıstrge órtti erte anyqtaıtyn, jasandy ıntellekt negizinde jumys isteıtin júıeni kórsetti. Bul tehnologıa kez kelgen aýa raıynda alystan oryn alǵan órtterdi avtomatty túrde tirkeı alady. Júıe táýlik boıy jylývızorlar arqyly baqylaý júrgizip, dereý jedel basqarý ortalyǵyna sıgnal jiberedi. Qazirgi tańda rezervatta 37 kamera ornatylǵan, olar 510 myń gektar aýmaqty qamtıdy. Prezıdenttiń tapsyrmasymen mundaı júıeler qyrkúıek aıyna deıin elimizdiń 24 tabıǵı parki men qoryǵynda engiziledi.

«Biz orman qoryn qorǵaýda múldem jańa standarttardy engizip jatyrmyz. Sıfrlandyrý – negizgi baǵyt, biraq tehnologıany patrúldeýmen tolyqtyrý qajet. Orman kúzetiniń jumysy turaqty bolýy tıis jáne barlyq qaýipti aımaqtardy qamtýy kerek», - dep atap ótti Oljas Bektenov.

Sońǵy eki jylda «Semeı ormany» rezervatynyń tehnıka parki 100 paıyz jańartylǵan. Jalpy, 2024-2025 jyldary órtke qarsy tehnıkany jańǵyrtýǵa 21,5 mıllıard teńge bólindi.

2026 jylǵa arnalǵan boljam: ystyq jáne jaýyn-shashynnyń tapshylyǵy

Respýblıkalyq jedel shtabtyń otyrysynda ekologıa mınıstri Erlan Nysanbaev 2026 jyldyń jazy anomaldy ystyq bolatynyn habarlady. Aýa temperatýrasy normadan 1-2 gradýs joǵary bolady dep kútilýde. Tamyz aıynyń sońyna qaraı jaýyn-shashynnyń azaıýy baıqalady, bul órt qaýpin aıtarlyqtaı arttyrady. Jyl basynan beri elimizdiń ormandarynda 36 órt tirkelgen. TJ mınıstri Shyńǵys Arınov 50 myńnan astam jeke quram men 11 myń birlik tehnıkanyń daıyndyq jaǵdaıy týraly baıandady.

Premer-mınıstr birqatar tapsyrma berdi:

Alakólge mıllıardtar jáne Semeıdiń jańa ortalyǵy

TJ máselelerimen qatar, Bektenov Alakól jaǵalaýyn damytýdyń bas josparymen tanysty. 2026 jyly kýrorttyq aımaqtyń ınfraqurylymyn jańǵyrtýǵa 10 mıllıard teńge baǵyttalady. Týrısik aımaqtyń aýmaǵyn 10 ese – 300-den 3 myń gektarǵa deıin ulǵaıtý josparlanýda, bul táýligine 75 myńǵa deıin týrısi qabyldaýǵa múmkindik beredi.

Semeı qalasynda 1 myń gektardan astam aýmaqta jańa ákimshilik-iskerlik ortalyqtyń qurylysy bastalady. 2029 jylǵa deıin oblys ortalyǵynda 75 myń adamǵa arnalǵan 3 mıllıon sharshy metrden astam turǵyn úı salý josparlanýda. Sonymen qatar, 17 mektep pen balabaqsha, 40-tan astam áleýmettik jáne komersıalyq nysan salynady.

Jobalardy júzege asyrý – uly aqyn Abaı Qunanbaevtyń 180 jyldyǵyna arnalǵan «Abaıǵa qurmet» aksıasy aıasynda ótýde. Úkimet basshysy barlyq qala qurylysy sheshimderiniń sapaly jáne úılesimdi bolýy kerektigin atap ótti.