InfoHub Logo

Boqash qý bolǵan. Ony Iakıa ata kórgen eken. Rýy — qoshqaraly. Boqashtyń balalary bar eken. Olar «Jyńǵyldy» sovhozynda turatyn bolatyn. Balalarynyń aty: Jorabek, Áli.

Boqash qý bir kúni qyz jańa kelin bolyp túsken aýylǵa kelip qonypty. Qýańdy, shybyn, sona kóp eken.

«Maǵan sol jerge tósek salyp berdi. Men shybyn, sona shaqqan soń kóılegimdi sheship, qasyma qoıdym. Túnde sol aýyldyń sıyry bos eken, ol kelip kóılegimdi jep jatyr eken. Turdym da sıyrdyń aýzynda kóılegimdi kórdim de, quıryǵyna jabystym. Sıyr súıreı jónedi. Bir qudyq qasyna barǵanda sıyr da ákki eken, meni qudyqqa túsirip jiberdi.

Tańerteń jas kelin sýǵa keledi. Keıin sýdyń ishindegi meni kórdi. Shyǵarmaqshy bolyp jibin tastap edi, meni aýyrlyq etip, kelinshek te meniń qasyma sýǵa túsip ketti. Keıin aýyly kelinshekti izdese joq. Meniń tósegimdi kórse, ornymda joqpyn. Sonan «Qudaı urdy, Boqash qý kelinshekpen ketken» dep ekeýimizdi izdeıdi.

Qarasa, qudyq ishinde ekeýimiz tizilip turmyz. Kóre sala bizdi shyǵaryp meni «al, ur». «Sen kelinshekpen nege tústiń?» dep taǵy urdy. Kelinshek aıtsa, tyńdar emes.

— Bar ma? — dedi maǵan.

Men:

— Bar, — dedim.

— Ol kim? — dep surady.

Men bolsam:

— Sıyr, — deımin. Barlyq oqıǵany aıttym.

Maǵan:

— Sıyrdy tanısyń ba? — dedi.

Men bolsam:

— Shyramytamyn, — dedim.

— Sen kelinshekpen tanys bolmasań, qudyqqa keler me ediń? — dep tyr jalańash etime taǵy urdy. Áıteýir, óldim degende sıyrdy da taptym. Sıyrdy soıǵyzyp, ishinen kóılegim shyǵyp qýandym. Sóıtip, kelinshekten ázer qutyldym-aý, ekinshi ret jas kelin aýlyna qonbaıtyn bolamyn», — depti.

---