InfoHub Logo

Endi qoǵamdyq orynda beıádep sóz aıtqan balalardyń ata-analary nemese zańdy ókilderi zań aldynda jaýap beredi. Bul týraly Qylmystyq kodekstiń 131-babyna jáne Ákimshilik quqyq buzýshylyq týraly kodekske sáıkes naqty jazylǵan.

Jalpy alǵanda, kópshilik aldynda ar-namysty qorlaý, ásirese ádepsiz túrde balaǵattaý — qylmystyq jaýapkershilikke ákelýi múmkin. Mundaı áreketter úshin eresek azamattar 100 aılyq eseptik kórsetkishke (AEK) deıin aıyppul (393 200 teńge) nemese 120 saǵatqa deıin qoǵamdyq jumysqa tartylýy múmkin.

Al qoǵamdyq orynda jaı ǵana beıádep sóz aıtqandar 20 AEK (78 640 teńge) aıyppul tóleıdi nemese 5-ten 15 táýlikke deıin ákimshilik qamaýǵa alynady. Qaıtalap jasalsa — 30 táýlikke deıin qamalady.

Kámeletke tolmaǵandarǵa qatysty talaptar:

12 jasqa deıin — tolyq jaýapkershilik ata-analarda. Aıyppul 10-nan 15 AEK-ke deıin (39 320 – 58 980 teńge);

14–16 jas aralyǵy — ata-analar 7 AEK (27 524 teńge) tóleıdi;

16–18 jas aralyǵy — jasóspirimniń ózi jaýap beredi. Eger jumys istemese, ata-anasyna 10 AEK (39 320 teńge) aıyppul salynady.

Áleýmettik jelidegi balaǵattaý men býllıngke qatysty da jaza kúsheıtildi — 200 AEK-ke deıin, ıaǵnı 786 400 teńgege deıin aıyppul kózdelgen.

Polısıa ár jaǵdaıdy jeke tergep, kýágerlerdiń kórsetýleri, beıne/aýdıo jazbalar men lıngvısıkalyq saraptamalardy dálel retinde qoldanady.