InfoHub Logo

Prezıdent Shavkat Mırzıóev óziniń úlken qyzy Saıda Mırzıóevany Prezıdent Ákimshiliginiń basshysy etip taǵaıyndady, dep habarlaıdy Infohab. Bul laýazym 2023 jyly taratylǵanymen, endi qaıta qalpyna keltirildi – jáne tikeleı prezıdent qyzyna senip tapsyryldy.

Sońǵy eki jylda Saıda Mırzıóeva prezıdenttiń kómekshisi retinde joǵary saıası sahnada belsendi kórindi. Ol halyqaralyq qatynastarda eldiń “beıresmı ókiline” aınaldy: sheteldik kóshbasshylarmen kezdesip, reformalar jaıly málimdemeler jasap júrdi. Bul belsendilik onyń bıliktegi yqpaly resmı laýazymynan áldeqaıda joǵary ekenin kórsetti.

Saıası sholýshylar muny bıliktiń ashyq “áýlettenýi” dep baǵalap otyr. Saıdanyń resmı taǵaıyndalýy – tek kadrlyq emes, saıası-ıdeologıalyq qadam. Bul Ózbekstanda postkeńestik keńistikte jıi baıqalatyn bir úrdisti: bıliktiń otbasylyq basqarý formatyna aýysýyn aıqyndaı tústi.

Mundaı sheshimder “reformalar júrgizip jatyrmyz” degen bıliktiń sózin kúmándi etedi. Sebebi, reformanyń basty sharty – ınstıtýttardyń táýelsizdigi men kadrlyq ádildik. Al týystyqqa negizdelgen taǵaıyndaýlar bul ustanymǵa múlde qaıshy.

Ózbekstandaǵy bul saıası qadam aımaqtaǵy ózge elderge de “úlgi” bola ma, joq pa? Álde bul jeke dara oqıǵa retinde qala ma? Bir nárse anyq – Saıda Mırzıóevanyń jańa qyzmeti tek ishki emes, halyqaralyq deńgeıde de úlken rezonans týdyryp otyr.